Jabuuroolu 96:9 - Mandinka Bible

⁹ Ali Yaawe batu a la seneyaa ñiimaa kono, duniyaa moolu bee, ali jarajara a ñaatiliŋo la.

Jabuuroolu 96:9 ပူးပေါင်းရင်းမြစ်များ

Jabuuroolu 29:2

Ali Yaawe jayi a semboo niŋ a too la waroo kaŋ, ali Yaawe batu, a la kallankeeyaa niŋ a la seneyaa kono.

Jabuuroolu 114:7

Bankoo, jarajara Maariyo ñaatiliŋo la, Yaakuba la Alla.

Jabuuroolu 110:3

Luŋo meŋ na keloo wulita, i la moolu be wakiili la le. Komeŋ soomandaa juuna komboo, i la fondinkewolu be naa i kaŋ ne faramansoo niŋ seneyaa kono.

Daniyeli 11:45

A be a la mansa tiriliisi* baalu le faŋo wanka la baa niŋ konkoo teema, Alla Batudulaa Buŋo be looriŋ meŋ kaŋ. Bari a be faa la le, aduŋ moo te soto la meŋ be a maakoyi la.”

Jabuuroolu 33:8

Bankoo daafeŋolu bee si sila Yaawe la, alitolu duniyaa moolu bee, ali a kuliyaa.

Esekiyeli 7:20

Ì kufanta ì la ñarandi feŋ ñiimaalu mennu la, ì ye wolu le taa ì ye ì dadaa ì la jalaŋ haraamuriŋolu niŋ feŋ kondiŋolu ti. Wo kamma la, m be ì ke la ì ye feŋ ñewundiŋo le ti,

Jabuuroolu 76:11

Ali laahidoolu taa Yaawe* ali la Alla ye, ali ye ì timmandi. Alitolu bantala bankoolu* bee, ali soorifeŋolu samba a ye naŋ, ate meŋ ñaasilaŋo warata.

Esira 7:27

Bituŋ Esira ko, “Tentoo be Yaawe ye, m̀ mumuñolu la Alla. Ate le ye ñiŋ hakiloo dii mansa la ka Yaawe Batudulaa Buŋo ke dulaa horomariŋo ti Yerusalaamu saatewo kono.

Jabuuroolu 76:7

Ite doroŋ ne mu silantaa ti. Jumaa le si i loo noo i fee, niŋ i jusoo kandita?

2 Taarika 29:28

Bituŋ jamaa moo bee ye baturoo ke, suukuulaalaalu ye suukuwo laa, footaŋ feelaalu ye footaŋolu fee. Ì tententa ñiŋ ne la fo jani sadaa banta bo la.

2 Taarika 29:29

Kabiriŋ sadaaboo ñiŋ banta, mansa niŋ moolu mennu be nuŋ a fee, sujudita, ì ye baturoo ke.

2 Taarika 29:30

Mansa Hesekiya niŋ a la ñaatonkoolu ye Lewi lasiloo moolu yaamari ka Yaawe tentu ka bo niŋ kumoolu la, Dawuda niŋ Annabilayi Asafu ye mennu dii. Aduŋ ì seewootoo ye jayiri suukuwolu laa, aduŋ ì sujudita ka baturoo ke.

Jabuuroolu 99:1

Yaawe* mu Mansa le ti, a la kuwo si duniyaa moolu jarajara. A be mansa siiriŋ kerubu malaayikoolu* teema, bankoo si jarajara.