Jabuuroolu 96:8 - Mandinka Bible

⁸ Ali Yaawe too la waroo niŋ a la semboo fo, ka horomoo dii a la. Ali ali la sadaalu* samba naŋ, ali naa a batudulaa luwo to.

Jabuuroolu 96:8 ပူးပေါင်းရင်းမြစ်များ

Jabuuroolu 100:4

Ali niŋ jayiroo ye duŋ niŋ a Batudulaa Buŋo* daa la, ali niŋ tenturoo ye duŋ a la luwo to, ali ye a jayi, ali ye a tentu niŋ a too la.

Roomankoolu 12:1

Wo to baadiŋolu*, Alla la balafaa kamma la, ŋa ali yaamari, fo ali si ali baloolu dii Alla la ko sadaa* baluuriŋolu, mennu seneyaata, aniŋ mennu ka Alla seewondi. Ñiŋ ne mu baturi tooñaa ti.

Malaki 1:11

Nte too be warariŋ bankoolu kaŋ ne, ka bo tilibo ka taa tilijii, aduŋ daa-wo-daa seerandi feŋolu le ka siisindi n tooyaa la jee, aniŋ sadaa kendoolu, kaatu n too warata bankoolu kaŋ ne.” Yaawe Alihawaa Maariyo le ye a fo.

Jabuuroolu 72:10

Tarisi mansoolu, aniŋ baajooyoolu la mansoolu si naamoo joo a yaa. Seba niŋ Seeba bankoolu la mansoolu si soorifeŋolu dii a la.

Jabuuroolu 45:12

Tire saatee moolu be i ñaañini la niŋ soorifeŋolu le la, naafulutii baalu be i ñaañini la le.

Lankenemoo 15:4

Maariyo, jumaa le te sila la ite la, jumaa le te i too horoma la? Ite le dammaa seneyaata. Nasiyoŋolu bee be naa ite batu la le, kaatu i la baara kuu tilindiŋolu lankenemata le.”

1 Pita 2:5

Ali ali faŋolu dii ka ke bere baluuriŋolu ti, fo ali si ke buŋ looraŋolu ti Alla la buŋo ye, meŋ loota a la Nooroo la siloo la. Alitolu si ke piriisi* senuŋolu ti, ali ye sadaalu* bo Nooroo la siloo la, ka bo niŋ Yeesu Kiristu* la, aduŋ Alla be soŋ na wo sadaalu ma le.

Hiburunkoolu 13:13

Wo to, ali ŋà taa a kaŋ daakaa banta, ŋà a la malu kuwo muña.

Filipinkoolu 4:18

Ŋa a seedeyaa ko, ŋa feŋo bee soto le, ŋa jamaa baa le soto. Ali la ñiŋ soorifeŋolu, Epaforoditus ye mennu samba naŋ, ì tambita n na suuloolu la le, aduŋ n wasata le. Ì keta ko sadaa* seera feŋ diimaa meŋ ka Alla seewondi.

Filipinkoolu 2:17

Ali la lannoo keta le ko jani sadaa*, ŋa meŋ dii Alla la. Hani niŋ a ye a tara, nte yeloo le be boŋ na wo kaŋ miŋ feŋ sadaa ti, wo be ke la nte ye jusulaa le ti, aniŋ seewoo n niŋ ali bee ye.

Roomankoolu 15:16

a ye n tomboŋ Kiristu Yeesu la dookuulaa le ti moolu ye, mennu maŋ ke Yahuudoolu ti. N na ñiŋ piriisiyaa* dookuwo mu ka Alla la kibaari betoo kawandi ì ye, ka ì naati Alla ye ko sadaa*, meŋ ka a seewondi, aniŋ Noora Kuliŋo ye meŋ seneyandi.

Jabuuroolu 111:9

A ye a la moolu kiisa le, aduŋ a ye yaamaroo dii le ko, a ye a la kambeŋo londi le fo abadaa. A too seneyaata le, aduŋ a kuliyaata.

Jabuuroolu 29:2

Ali Yaawe jayi a semboo niŋ a too la waroo kaŋ, ali Yaawe batu, a la kallankeeyaa niŋ a la seneyaa kono.

Jabuuroolu 116:19

M be a ke la a batudulaa luwolu le to, Yerusalaamu saatewo kono. Ali Yaawe jayi.

Esekiyeli 46:3

Wo koolaa moo toomaalu fanaa si naa ka sujudi dundaŋ daa to jee, ka baturoo ke, Loobula Luŋo niŋ Kari Kuta Juurali luŋo la.