Jabuuroolu 94:10 - Mandinka Bible

¹⁰ Ate meŋ ka bantala banku* moolu jarabi, fo a te alitolu jarabi la baŋ? Ate meŋ ka londoo dii, fo a maŋ londoo soto baŋ?

Jabuuroolu 94:10 ပူးပေါင်းရင်းမြစ်များ

Yuuba 35:11

meŋ ye ntolu so londoo la ka tambi wulakono daafeŋolu la, meŋ ye ñaameŋo dii ǹ na ka tambi kunoolu la?”

Yesaya 28:26

A la Alla le ka a yaamari, a ye a karandi a la a ñaama.

Yeremiya 10:25

I la kamfaa jindi banku koteŋ moolu kaŋ, mennu maŋ i loŋ, siyolu kaŋ, mennu buka i batu, kaatu ì ye Yaakuba koomoo kasaara le, ì ye a kasaara le ka a baŋ fereŋ, ì ye ǹ na bankoo tumbuŋ.

Jabuuroolu 44:2

Ka bo niŋ i semboo la i ye sii koteŋolu bayi ka finti, bari i ye itolu sabatindi bankoo kaŋ ne. I ye wo sii koteŋolu jarabi le, bari i ye itolu yiriwandi le.

Yohana 6:45

A safeeta le nuŋ annabiyomoolu la kitaaboolu kono ko: ‘Alla be ì bee karandi la le.’ Moo meŋ ka i lamoyi m Faamaa la, a ka karaŋ a bulu, wo maarii le ka naa nte kaŋ.

Habakuki 3:12

Kamfaa kono, i ŋalabaasita duniyaa bee kaŋ. Jusuboo kono, i ye bankoolu toñonka.

Habakuki 1:12

Yaawe*, ite be keriŋ ne biriŋ, Yaawe, n na Alla, n na Senuŋ Baa, ite meŋ be tu la fo abadaa. Ite le ye Babiloninkoolu tomboŋ ka kiitii koleŋo laa ǹ kaŋ. Ite tankandirilaa, ite le ye semboo dii ì la ka naa ǹ jarabi.

Amosi 3:2

“Ŋa ali doroŋ ne tomboŋ duniyaa moolu muumewo bee kono. Wo kamma la m be ali jarabi la ali la junube kuukewolu bee la le.”

Esekiyeli 39:21

A ko: “M be n na kallankeeyaa yitandi la bantala bankoolu bee kaŋ ne. Wo bankoolu bee be n na kiitiyo je la le ŋa meŋ laa ì kaŋ, aniŋ m buloo siita ì la ñaameŋ.

Yesaya 54:13

Nte Yaawe le be i dinkewolu bee karandi la, aduŋ i diŋolu be tara la kayira baa le kono.

Yesaya 37:36

Wo to le Yaawe la malaayikoo taata, a ye kee wuli keme, wuli taŋ seyi, aniŋ wuli luulu faa Asiriyankoolu la daakaa kono. Kabiriŋ fanoo keta, ì furewolu tarata laariŋ jee le.

Yesaya 10:12

Niŋ Maariyo pareeta a la dookuwo bee la, Siyoni* Konkoo niŋ Yerusalaamu kamma, a be Asiriya mansa mantoora la a la faŋ sikandoo niŋ a la faratoo kaŋ ne.

Yesaya 2:3

Moo jamaa si naa, ka a fo ñoo ye ko, “Ali naa ŋà taa Yaawe la konkoo kaŋ, ka taa Yaakuba la Alla Batudulaa Buŋo to, fo a si ǹ karandi a la siloolu la, fo ǹ si taama noo a la lafoo kaŋ.” Yaamaroo be finti la naŋ Siyoni* le, Yaawe la kumoo be bo la naŋ Yerusalaamu le.

Kuma Kotoomaalu 2:6

Kaatu Yaawe le ka moo so ñaameŋo la, londoo niŋ fahaamuroo bee ka bo ate le bulu.

Jabuuroolu 119:66

N ñaalabulandi ka londoo niŋ fahaamuroo soto, kaatu n laata i la yaamaroolu la le.

Jabuuroolu 10:16

Yaawe le mu Mansoo ti fo fawu. Bantala banku* moolu be turutumbuŋ na a la bankoo kaŋ ne.

Jabuuroolu 9:5

I ye bantala banku* moolu jalayi le, i ye moo kuruŋolu kasaara. I ye ì toolu buruka duniyaa kono le fo fawu.

Jabuuroolu 149:7

Ì si wo ke ka julujoo taamandi bantalankoolu kaŋ, ka wo moolu jarabi,

Yuuba 28:28

Bituŋ a naata a fo hadamadiŋolu ye ko, “Tooñaa-tooñaa, nte Maariyo ñaasilaŋo, wo le mu ñaameŋo ti, aniŋ ka fata kuu jawu kewo ma, wo le mu fahaamuroo ti.”

Yuuba 34:29

Niŋ Alla maŋ kuu ke a noo to, jumaa le be a tuumi noo la a la? Niŋ a ye a faŋ maabo, jumaa le be a je noo la, fo moo kuŋ kiliŋ, waraŋ fo jamaa?