Jabuuroolu 92:6 - Mandinka Bible

⁶ Toolewo te loŋ ke la, aduŋ hakilintaŋo te fahaamuru ke la ko:

Jabuuroolu 92:6 ပူးပေါင်းရင်းမြစ်များ

Jabuuroolu 73:22

n keta hakilintaŋo niŋ feŋ lombaloo le ti, n keta i ñaa koto ko beeyaŋo.

Jabuuroolu 94:8

Alitolu mennu keta moo bee hakilintaŋo ti, ali ali hakilitu. Toolewolu, muŋ tuma le ali be ñaameŋ na?

Kuma Kotoomaalu 1:22

“Janniŋ waati jumaa le, alitolu moo sooneeyaariŋ baalu be lafi la sooneeyaa la? Janniŋ waati jumaa le, alitolu ñaawalilaalu be tu la ali la ñaawaliroo la, aniŋ alitolu toolewolu be londoo koŋ na?

Jabuuroolu 49:10

A be koyiriŋ ne ko, hani moo ñaamendiŋolu ka faa le, aduŋ toolewolu niŋ moo hakilintaŋolu ka kasaara le. Ì bee ka ì la naafuloo tu moo doolu le ye.

1 Korintinkoolu 2:14

Hadamadiŋo daañaa te Alla la Nooroo la soorifeŋolu soto noo la, kaatu wolu mu tooleeyaa le ti ate fee. A maŋ ì fahaamu noo, kaatu ì ñanta kisikisi la niŋ Nooroo la siloo le la.

Yeremiya 10:14

Ate ñaa la, hadamadiŋo bee le mu hakilintaŋo ti, ì maŋ londi soto. Wo tunkannaalu meŋ-wo-meŋ ka malu le, a la jalaŋolu kamma la, kaatu tunkannaalu la batufeŋolu mu kenseŋ ne ti, niijii foño te ì kono.

Kuma Kotoomaalu 24:7

Ñaameŋo la kuwo warabaata toolewo ye le, saatee beŋo to, a buka feŋ soto, a be meŋ fo la.

Luka 12:20

“Bari Alla ko a ye ko, ‘Ite toolewo! Ñiŋ suutoo faŋo le la, m be i niyo taa la i bulu. Wo to i ye feŋolu mennu maabo, wolu be ke la jumaa le taa ti?’

Yesaya 1:3

Ninsoo ye a loŋ ne, meŋ taa mu a ti, faloo ye a loŋ ne, a maarii ka a daañini daameŋ, bari n na moolu Banisirayilankoolu maŋ a loŋ, ì maŋ a fahaamu.”

Kuma Kotoomaalu 30:2

Nte le hakiloo kuyaata moolu bee ti. M maŋ hadamadiŋolu la fahaamuroo soto noo.

Jabuuroolu 32:9

Kana ke ko suwoo waraŋ bahalewo*, hakili te meŋ na. Karafewo niŋ juloo le ka a manankuŋ noo, niŋ wo nte, a te soŋ na i ye.”

Jabuuroolu 14:1

Toolewolu ka a fo ì faŋ ma le ko, “Alla te keriŋ.” Ì mu moo tilimbaloolu le ti, aduŋ ì ka kuu ñewundiŋolu le baara. Moo te jee meŋ ka kuu kendoo ke.

Jabuuroolu 75:4

M be a fo la kibirilaalu ye ko, ‘Ali kana kibiri,’ aniŋ moo kuruŋolu ye ko, ‘Ali kana ali semboo yitandi.

Jabuuroolu 104:24

Kooni Yaawe, i ye meŋ daa a siyaata le. I ye ì bee daa i la ñaameŋo le kono. Duniyaa be faariŋ i la daafeŋolu le la.

Jabuuroolu 139:14

Ŋa i tentu le, kaatu i ye n daa ñaameŋ, a jaakaloo warata le, aduŋ a kaawakuuyaata. I la keroolu tambita n kunna le. Nte ye wo loŋ ne kendeke.

Yesaya 28:29

Ñiŋ ñaameŋo bee ka bo Yaawe Alihawaa Maariyo le bulu, meŋ na yaamaroo maŋ ñoŋ soto, a la ñaameŋo timmata.

Yesaya 55:9

Ko saŋ fatoo be jamfariŋ bankoo la ñaameŋ, n taañaalu be jamfariŋ ali taañaalu la wo le ñaama, n na miiroolu niŋ ali la miiroolu fanaa fatata wo le ñaama.

Yeremiya 32:19

I la feeroolu warata le, aduŋ i la keroolu semboo warata. I ñaa ka tara hadamadiŋolu bee taaraŋ siloolu la le, aduŋ i ka moo-wo-moo joo ka bo niŋ a maañaa le la, aniŋ ka bo niŋ a kekuwolu la.