Jabuuroolu 92:14 - Mandinka Bible

¹⁴ Hani ì kotoo waatoo la ì ka diŋ ne, ì ka tara faariŋ yiriwaa niŋ kereyaa la.

Jabuuroolu 92:14 ပူးပေါင်းရင်းမြစ်များ

Yesaya 46:4

Hani ali kotoota, nte be tara la n ñaama le, ali tiyolu si koyi ñaa-wo-ñaa, m be ali topatoo la le. Nte le ye ali daa, m be ali bambu la le, m be ali maakoyi la le, m be ali tanka la le.

Jabuuroolu 71:18

Hee Alla, hani n kotooriŋo la, n kuntiñoo koyita ñaa-wo-ñaa, kana i bo n to, fo niŋ ŋa i la waroo niŋ i la semboo seyinkaŋ jamaani naalaalu ye.

Yeremiya 17:8

A maarii ka munta le ko, yiroo meŋ tututa woyoo daala, a ye a suloolu duŋ woyoo daala. A buka sila niŋ kandoo naata, aduŋ a jamboolu ka tu jambakereriŋ ne, a buka dewuŋ niŋ jaa keta saŋo meŋ na, aduŋ a buka i foño diŋo la.”

Filipinkoolu 1:11

Ali si faa niŋ tiliŋo la, meŋ ka daajika betoo saabu, ka bo niŋ Yeesu Kiristu la, Alla la horomoo niŋ jayiroo ye.

Jabuuroolu 1:3

Ate ka munta le ko, yiroo meŋ tututa woyoo daala. A ka diŋ a diŋ waatoo la le, aduŋ a jamboolu buka jaa. Ate ye meŋ-wo-meŋ ke, a ka ñaatotaa soto jee le.

Yuuba 17:9

Bari moo meŋ tilinta, wo be tu la a la siloo le kaŋ, aduŋ moo meŋ buloolu seneyaata, semboo be tu la wara la le doroŋ.

Matiyu 3:10

Saayiŋ teeraŋo be laariŋ yirisuloolu to le fokabaŋ. Wo kamma la yiri-wo-yiri meŋ maŋ diŋ betoo diŋ, wo be kuntu la le, aduŋ a be fayi la dimbaa kono le ka jani.

Kuma Kotoomaalu 4:18

Moo tilindiŋo la siloo ka fanu le ko siilimboo meŋ ka fanu-fanu laalaa tiloo muumewo la.

Esekiyeli 47:12

Baa kara fuloo bee la, yirisuŋ siifaa jamaa le be faliŋ na jee. Aduŋ a yiroolu la diŋ waatoo nene te sawuŋ na ì la, ka ke moolu ye domotaa ti, a jamboolu nene te noro la. Ì be tu la diŋ na le kari-wo-kari, kaatu wo jiyo be woyi la naŋ ne ka bo naŋ dulaa senuŋo to. Ì yiridiŋolu be ke la domotaa le ti, ì jamboolu ye ke ì ye booroo ti.”

Yuuda 1:12

Ì mu moo kosoriŋolu le ti ali la kafoo la domori bendoolu to. Ì ka tara ñaaniriŋ ì faŋolu doroŋ ne la. Ì be le ko saŋ tawaloolu, foñoo ka mennu tambindi, ì buka jii dii. Ì be ko yiri dimbaloolu, tinee te mennu la katiri waatoo la. Ì wututa le, aduŋ ì faata ko siiñaa fula.