Jabuuroolu 92:1 - Mandinka Bible

¹ Kuu kende le mu, ka ite Yaawe* tentu, ka suukuwo laa ka ite Alla Mansa Tallaa jayi i too la.

Jabuuroolu 92:1 ပူးပေါင်းရင်းမြစ်များ

Jabuuroolu 147:1

Ali Yaawe* jayi. Ka ǹ na Alla jayi niŋ suukuwolu la, wo mu kuu kende le ti. Ka a jayi, wo mu kuu diimaa le ti, aduŋ a ñanta le.

Jabuuroolu 107:1

Ali Yaawe* tentu kaatu a beteyaata le, a la kanu bambaloo be tu la le fo abadaa.

Efesusinkoolu 5:19

Ali diyaamu ñoo ye niŋ jabuuroolu la, jayiri suukuwolu aniŋ suukuu senuŋolu. Ali Maariyo tentu ali la suukuwolu la, ali ye a jayi niŋ ali sondomoolu bee la.

Jabuuroolu 135:3

Ali Yaawe jayi, kaatu a beteyaata le. Ali suukuwolu laa ka a jayi a too la, kaatu a konotoo diyaata le.

Jabuuroolu 33:1

Alitolu moo tilindiŋolu, ali seewoo Yaawe* la kuwo la, jayiroo ñiiñaata moo tilindiŋolu le daa kono.

Jabuuroolu 73:28

Bari nte fee de, ka tara sutiyaariŋ Alla la, wo mu n ye kuu kende le ti. Ŋa Maarii Yaawe* le ke n jikiraŋo ti, ñiŋ kamma la n si kuwolu fo moolu ye a ye mennu bee ke.

Jabuuroolu 107:8

Ì ñanta Yaawe tentu la a la kanu bambaloo kaŋ ne, a ye kaawakuu baalu mennu ke hadamadiŋolu ye.

Jabuuroolu 52:9

M be ite Alla le tentu la fo abadaa, i la keroolu kaŋ. I too be tu la n daa le i la lannamoolu ñaatiliŋo la, kaatu i beteyaata baake le.

Daniyeli 5:18

“Ite Mansa, i lamoyi ñiŋ na. Alla Mansa Tallaa ye i faamaa Mansa Nebukanesa so mansayaa la le, a ye semboo dii a la, horomoo, aniŋ kandaayaa.

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Jabuuroolu 107:15

Ì ñanta Yaawe tentu la a la kanu bambaloo kaŋ ne, a ye kaawakuu baalu mennu ke hadamadiŋolu ye.

Jabuuroolu 54:6

M be fankadaŋ sadaa* bo la i ye le. Hee Yaawe*, m be i tentu la le ka bo niŋ i too la, kaatu i beteyaata baake le.

Jabuuroolu 92:8

Ite Yaawe le be feŋo bee ye santo fo abadaa.

Jabuuroolu 50:23

Moo meŋ ka tenturoo dii n na sadaa ti, wo maarii ka nte le horoma a ñaama. Moo-wo-moo ka taama sila kendoo la, wo kono nte Alla be a kiisa la le.”

Jabuuroolu 82:6

“N ko, ‘Ali mu sembetiyolu le ti, ali bee mu nte Mansa Tallaa diŋolu le ti.’

Hiburunkoolu 13:15

Wo to, ali ŋà tu jayiroo dii la Alla la, ka bo niŋ Yeesu la. Ñiŋ jayiroo le mu ǹ na sadaa* ti, meŋ ka a seedeyaa ko, ate le mu Maariyo ti.

Hiburunkoolu 4:9

Wo to, hani saayiŋ laahidoo be Alla la moolu ye le ko, ì be dahaa soto la le, Loobula Luŋo ka meŋ taamanseeri.