Jabuuroolu 91:2 - Mandinka Bible

² wo si a fo noo Yaawe* ye le ko, “Ite le mu n ye tankadulaa ti, aduŋ i mu n ye tatoo le ti. Ite le mu n na Alla ti, ŋa n jikoo sembe meŋ na.”

Jabuuroolu 91:2 ပူးပေါင်းရင်းမြစ်များ

Jabuuroolu 18:2

Yaawe le mu n na semberaŋ bere baa ti, n na tankaraŋ tatoo, aniŋ m bondilaa. N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti, n na kiisandirilaa sembemaa baa, aniŋ n tuukuraŋo.

Kuma Kotoomaalu 18:10

Yaawe* too mu tata bambandiŋo le ti, moo tilindiŋolu ka bori jee le, aduŋ ì ka tanka le.

Yesaya 12:2

Tooñaa-tooñaa, Alla le mu n tankandirilaa ti. M be n jikoo sembe la a la le, n te sila la. N semboo ka bo m Maarii Yaawe le bulu, n ka suukuwo laa ate le ye, kaatu ate le mu n tankandirilaa ti.”

Jabuuroolu 142:5

Hee Yaawe, n kumboota i ye le ka m maakoyi. N ko ite le mu n na tankandirilaa ti. Ŋa ite le soto n na baluwo to.

Jabuuroolu 46:1

Alla le mu ǹ na tankandirilaa ti, ǹ jikiraŋ semboo. Maakoyirilaa le mu, meŋ ka tu sabatiriŋ m̀ fee koleyaa kono.

Jabuuroolu 71:3

Ke n ye semberaŋ beroo ti, aniŋ tata bambandiŋo, ka n kiisa, kaatu ite le mu n na tuukuraŋo ti, aniŋ n na tatoo.

Jabuuroolu 14:6

Alitolu moo jawoolu, ali ka fentaŋolu la hame kuwolu ke ì ye kenseŋo ti, bari Yaawe le mu ì la tankoo ti.

Jabuuroolu 91:9

Bayiri i ye Yaawe, Mansa Tallaa le muta i la tankandirilaa ti, ka suturoo soto a bulu,

Hiburunkoolu 11:16

Bari tooñaa, ì tarata hameriŋ banku betoo doo le la, meŋ beteyaata wo doo ti, kaatu a be Arijana le kono. Wo kamma la, niŋ wo moolu ka Alla kumandi ì la Alla la, Alla maŋ wo muta malu kuwo ti, kaatu a ye saatewo le parendi ì ye.

Jabuuroolu 48:14

“Ñiŋ Alla mu ǹ na Alla le ti fo fawu, ate le be ǹ kanda la fo abadaa.”

1 Musa 17:7

M be n na kambeŋo londi la n niŋ i teema, aniŋ i koomalankoolu, ì jamaanoolu bee la, kambeŋ looriŋo fo abadaa, ka ke i la Alla ti, aniŋ i koomalankoolu mennu be naa ite koolaa.

Luka 20:38

A maŋ ke furewolu la Alla ti, bari baluuriŋolu, kaatu Alla fee moolu bee be baluuriŋ ne.”

Yeremiya 31:1

Yaawe* le ye ñiŋ fo ko: “Wo waatoo la m be ke la Banisirayila lasiloolu bee le la Alla ti, aduŋ ì be ke la n na moolu le ti.”

Jabuuroolu 43:4

Bituŋ n si taa i la sadaajanidulaa* to. N na seewoo aniŋ jusulaa ka bo ite le bulu. Hee Alla, n na Alla, n si kontiŋo kosi, ŋa suukuwo laa ka i jayi.

Jabuuroolu 18:3

Ŋa Yaawe daani, meŋ jarita ka jayi, aduŋ n tankata n jawoolu ma.

Jabuuroolu 25:2

N na Alla, ŋa n jikoo loo ite le kaŋ. Kana soŋ ŋa bula maloo kono. Kana n jawoolu bula ì ye jele n na.

Jabuuroolu 31:15

N na baluwo muumewo be ite le bulu. N tankandi n jawoolu bulu, mennu ka n toorandi.

Jabuuroolu 46:2

Ǹ te sila la hani niŋ bankoo jarajarata, konkoolu ye boyi baa baa kono,

Jabuuroolu 61:5

Kaatu ite Alla ye nte la laahidoolu moyi le, aduŋ i ye keetaafeŋo le dii n na, i ka meŋ dii moolu la mennu ye i kuliyaa.

Jabuuroolu 142:6

I lamoyi n na woosiikaŋo la, kaatu n korita le las. N tanka n toorandilaalu ma, kaatu itolu le semboo warata n ti baake.