Jabuuroolu 90:2 - Mandinka Bible

² Janniŋ i ka konkoolu fintindi, waraŋ ka bankoo daa, aniŋ ka duniyaa sotondi, ite mu Alla le ti kabiriŋ, aduŋ i be ke la Alla le ti fo abadaa.

Jabuuroolu 90:2 ပူးပေါင်းရင်းမြစ်များ

Hiburunkoolu 13:8

Yeesu Kiristu* mu kiliŋ ne ti kunuŋ, bii, aniŋ fo abadaa.

1 Musa 1:1

Foloo-foloo Alla ye saŋo aniŋ bankoo daa.

Lankenemoo 1:8

Maarii Alla ko, “Nte le mu Alifa niŋ Omeka ti, Foloo niŋ Labaŋo.” Maarii Alla le ye wo fo, ate meŋ be keriŋ, meŋ be keriŋ nuŋ, aniŋ meŋ be naa la, ate meŋ mu Mansa Tallaa ti.

Jabuuroolu 93:2

Yaawe, i la mansasiiraŋo be looriŋ ne kabiriŋ. I be keriŋ ne, i maŋ foloodulaa soto.

Habakuki 1:12

Yaawe*, ite be keriŋ ne biriŋ, Yaawe, n na Alla, n na Senuŋ Baa, ite meŋ be tu la fo abadaa. Ite le ye Babiloninkoolu tomboŋ ka kiitii koleŋo laa ǹ kaŋ. Ite tankandirilaa, ite le ye semboo dii ì la ka naa ǹ jarabi.

Jabuuroolu 33:9

Kabiriŋ a kumata, duniyaa daata, a ye yaamaroo dii, feŋo bee fintita.

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Yesaya 44:6

Banisirayila la Mansoo, a Kumakaalaa, Yaawe Alihawaa Maariyo* ko: “Nte le mu foloo ti, aduŋ nte le mu labaŋo ti. Nte koolaa Alla te keriŋ.

Yuuba 15:7

Fo ite le mu hadamadiŋ foloo ti baŋ, meŋ wuluuta? Fo ite le foloo fintita konkoolu ñaa baŋ?

Jabuuroolu 146:6

Ate le ye saŋo niŋ bankoo daa, aniŋ fankaasoo, ka taa feŋolu mennu bee be ì kono, aduŋ a ka tu tilindiŋ a la laahidoolu kaŋ ne fo abadaa.

Jabuuroolu 103:17

Bari Yaawe la kanu bambaloo ka tu moolu ye le, mennu ye a kuliyaa, fo abadaa. A ka tu beteyaariŋ jamaani-wo-jamaani moolu fee le,

Mika 5:2

Alitolu Efurata*-Betilehemunkoolu, Yaawe* ye ñiŋ ne fo ko, “Ali la saatewo keta saateeriŋo ti ñaa-wo-ñaa Yahuuda, bari Banisirayila maralilaa be bo la alitolu le kono, a be maraloo ke la niŋ nte Yaawe tooyaa le la. A foloota naŋ waati jaŋ ne la, kabiriŋ.”

Yesaya 45:22

“Alitolu mennu be duniyaa tonkoŋ naanoo to, ali naa muruŋ n kaŋ fo ali si tanka. Kaatu nte le mu Alla ti, aduŋ doo te jee.

2 Musa 8:6

Haaruna naata a buloo coodi Misira jiyolu kaŋ, bituŋ totoolu fintita, ì ye bankoo bee beŋ.

Yuuba 36:26

Ntolu la londoo maŋ futa ka Alla la waroo loŋ noo, aduŋ moo te a baluu saŋo yaatee noo la.

Jabuuroolu 102:13

I be wuli la le ka balafaa soto Siyoni* ye. Waatoo siita le ka i la hiinoo yitandi a la. Waatoo meŋ tombonta, a siita le.

Daniyeli 7:9

N tarata juubeeroo kaŋ ne, ì ye kiitiisiiraŋolu londi. Alifaa meŋ be keriŋ biriŋ foloodulaa to, siita. A la duŋ feŋolu be koyiriŋ ne ko perekaanoo, a kuntiñoo be koyiriŋ ko kotondi buunaa. A la kiitiisiiraŋo ye sareeti siŋ muluŋolu le soto, aduŋ dimbaa le ka bo a bala.