Jabuuroolu 9:5 - Mandinka Bible

⁵ I ye bantala banku* moolu jalayi le, i ye moo kuruŋolu kasaara. I ye ì toolu buruka duniyaa kono le fo fawu.

Jabuuroolu 9:5 ပူးပေါင်းရင်းမြစ်များ

2 Samuweli 17:23

Kabiriŋ Ahitofeli ye a je ko, a la yaamaroo maŋ muta, a ye kirikewo ke a la faloo kaŋ, a taata a la buŋo to, meŋ be a la saatewo to. A ye a la kuwolu topatoo, bituŋ a ye a faŋo deŋ, a faata. Ì naata a baadee, ì ye a faamaa baadee baadeekoo meŋ to.

Jabuuroolu 149:7

Ì si wo ke ka julujoo taamandi bantalankoolu kaŋ, ka wo moolu jarabi,

Jabuuroolu 2:1

Bantala bankoolu* duŋ ka muŋ jamfaa le siti? Ì ka jamfaa kenseŋo le siti.

Jabuuroolu 5:6

I ka faniyaa folaalu kasaara le, aduŋ moofaalaa niŋ neeneerilaa, ite Yaawe ye wolu haraamu le.

Jabuuroolu 7:12

Niŋ moo kuruŋolu maŋ tuubiseyi, Alla be a la hawusaroo* diyaa la ì kamma le. A be a la kalandiŋo ŋaaji la le ka a parendi.

Jabuuroolu 78:55

A ye banku moolu bayi a la moolu ñaato le, a ye ì la bankoo talaa Banisirayilankoolu teema ka ke ì la keetaafeŋo ti, a ye ì la suwolu ke Banisirayila lasiloolu le la suwolu ti.

Jabuuroolu 79:10

Muŋ ne be a tinna bantala banku* moolu be a fo la ko, “Ì la Alla lee?” I la dookuulaalu yeloo boŋo juloo joo bantala banku moolu to, ǹ ñaa ye a je.

Kuma Kotoomaalu 10:7

Niŋ moo kendoo faata, a too be ke la neemoo le ti, bari moo kuruŋo too be buruka la le.

Kuma Kotoomaalu 13:9

Moo tilindiŋo ka mala le ko tiloo, bari moo jawoo la lampoo be dubeŋ na le.

Yeremiya 49:38

“M be n na mansasiiraŋo loo la Elamu kono le, ŋa a mansoolu niŋ maralilaalu kasaara.

Niikuyaa Suukuwolu 3:58

Tooñaa, i ye n niyo kiisandi le. Hee Maariyo, i ye nte la kuwo dunoo taa le.

Malaki 4:3

Luŋo meŋ na m be maamaŋ na, wo luŋ ali si moo kuruŋolu dori, ì ye ke ali siŋolu koto ko buutoo. Nte Yaawe Alihawaa Maariyo le ye a fo.

5 Musa 9:14

Wo kamma la, i daa bo n niŋ ì teema, kaatu ŋa ñiŋ ne ŋaniya ka ì bee kasaara ka ì toolu buruka duniyaa kono. Wo koolaa, n si naa ite Musa ke moolu bonsuŋo ti mennu be siyaa la itolu ti, aduŋ ì semboo fanaa be wara la ì ti.”

Lankenemoo 19:15

Hawusari* daa diimaa fintita naŋ a daa kono, a be duniyaa nasiyoŋolu sepu la meŋ na. A be ì mara la niŋ needokoo le la, aduŋ a be ì dori la wo yiridiŋ bitidulaa kono le, meŋ mu Alla Mansa Tallaa la kamfaa jawu baa ti.

1 Samuweli 25:32

Dawuda ko Abikali ye ko, “Jayiroo be Yaawe ye, Banisirayilankoolu la Alla, meŋ ye i kii naŋ, ka naa n yaa bii.

1 Samuweli 25:39

Kabiriŋ Dawuda ye a moyi ko, Nabali faata le, a ko, “Jayiroo be Yaawe ye, meŋ ye i joo n ye Nabali to, a ye n neŋ meŋ kamma, aduŋ a ye nte a la dookuulaa tanka kuu jawoo kewo la le. Yaawe ye Nabali yankankati a la kuu jawoo le la.” Bituŋ Dawuda ye kiilaalu kii Abikali yaa ka a fo a ye ko, a lafita a futuu la le.

1 Samuweli 31:4

Sawulu ko a la kelejooraŋ sambalaa ye ko, “I la hawusaroo* saba naŋ, i ye m faa. Niŋ wo nte, ñiŋ moo sunnabaloolu be n soo la le, aduŋ ì be tuluŋ na m furewo la le.” Bari kelejooraŋ sambalaa maŋ haañi ka wo ke. Wo to le Sawulu ye a fansuŋ hawusaroo londi, a ye a faŋ fayi a kaŋ.