Jabuuroolu 9:18 - Mandinka Bible

¹⁸ Bari Alla te ñina la moo bataariŋolu la, fentaŋolu jikoo te buruka la abadaa.

Jabuuroolu 9:18 ပူးပေါင်းရင်းမြစ်များ

Jabuuroolu 12:5

Yaawe ko, “M be wuli la le, kaatu ì ye fuwaaroolu mantoora le, aduŋ fentaŋolu be woosii kaŋ ne. M be tankoo dii la ì la le, ì be lafiriŋ meŋ na.”

Kuma Kotoomaalu 23:18

Tooñaa-tooñaa saama nafaa be tara la i ye le, aduŋ i la jikoo te bo la i koto.

Kuma Kotoomaalu 24:14

A loŋ fanaa ko, ñaameŋo be i fee wo le ñaama, niŋ i ye a soto, ñaato siniŋ jiki be tara la i ye le, aduŋ i la jikoo te bo la i koto.

Yankuba 2:5

M baadiŋ kanuntewolu, ali i lamoyi! Fo Alla le maŋ moolu tomboŋ baŋ, mennu fuwaareyaata ñiŋ duniyaa kono, fo ì si fanka lannoo kono, aniŋ ì ye wo mansabaayaa keetaa, a ye meŋ laahidi moolu ye, mennu ye a kanu?

Jabuuroolu 102:20

A ye moolu ŋuntaŋ kaŋo moyi le mennu tarata mutoo kono, ka moolu firiŋ ì ye faaroo fo mennu kunna.”

Luka 6:20

Wo to le Yeesu ye a kuŋo wuli, a ye a la saayiboolu juubee. Bituŋ a ko: “Barakoo be alitolu fuwaaroolu ye, kaatu alitolu le taa mu Alla la mansabaayaa ti.

Luka 1:53

A ye konkotoolu fandi niŋ feŋ betoolu la, bari a ye fankamaalu murundi, ì bulu kenseŋ.

Jabuuroolu 109:31

kaatu a ka loo sembentaŋolu la kuwo la le, ka ì kiisa kiitiikuntulaa jenkeriŋolu bulu mennu ka ì faa.

Jabuuroolu 102:17

A be i lamoyi la yaantaŋolu la duwaa la le, aduŋ a te a ñaa kaasi la a la moolu la daaniroo la.

Jabuuroolu 72:4

Allamaa mansa ye fuwaaroolu boloo londi moolu kono, a ye fentaŋolu deemaa, aniŋ ka moo mantooralaalu buruka.

Jabuuroolu 71:5

Maariyo, n jikoo mu ite le ti. N dankeneyaata ite Yaawe le la biriŋ n dindiŋ.

Jabuuroolu 9:12

Ate meŋ ka moofaa juloo joo, a ka moo toorariŋolu hati le. A buka ñina moolu la kumboo la, ì ka mennu toorandi.

Jabuuroolu 50:22

“Wo to, alitolu mennu ka ali ñaa kaasi Alla la, ali ali hakilitu ñiŋ to, niŋ wo nte n si ali faraŋ-faraŋ ko jatoo, aduŋ moo te ali tankandi noo la.

Jabuuroolu 139:19

Hee Alla, n diinoo niŋ n sawoo, i ye moo kuruŋolu faa, aniŋ ka moofaalaalu bayi m bala.