Jabuuroolu 9:16 - Mandinka Bible

¹⁶ Yaawe ye a yitandi ì la le ate mu meŋ ti, kaatu a ye kiitindiroo ke niŋ tiliŋo le la. Moo kuruŋolu bulata ì faŋolu la feere kuruŋolu le kono. H S

Jabuuroolu 9:16 ပူးပေါင်းရင်းမြစ်များ

2 Musa 7:5

Aduŋ Misirankoolu be a loŋ na le ko, nte le mu Yaawe ti, niŋ ŋa n semboo yitandi ì la, ka Banisirayilankoolu fintindi jee.”

Yesaya 8:15

Jamaa le be taki la, ì be boyi la le, ì ye kati, aduŋ kutindiŋo be ì siŋo muta la le, ì jawoolu ye ì muta.”

Kuma Kotoomaalu 12:13

Moo kuruŋo la junube kumafoo le ka a duŋ bataa kono, bari moo tilindiŋo ka kana mantoora kuwo ma le.

Kiitindirilaalu 1:7

Bituŋ Adoni-Beseki kumata ko, “Alla ka juloo le joo n to. Mansakee taŋ woorowula nene tarata m fanaa koto le, ŋa mennu bulukumbaalu niŋ ì sinkumbaalu kuntu. Ì ka tara domoritoo sikoo le la n na taabuloo koto.” Bituŋ ì ye a samba naŋ Yerusalaamu, a faata wo le to.

2 Musa 14:4

M be Firawoona sondomoo jandi la le, aduŋ a be ali bayindi la le. Bari m be n na semboo niŋ waroo yitandi la Firawoona niŋ a la kelediŋ kafoo bee la le, fo n too si horoma. Misirankoolu be a loŋ na le ko, nte le mu Yaawe ti.” Banisirayilankoolu ye wo le ke.

Kuma Kotoomaalu 6:2

niŋ i fokumoo ye i duŋ kuu to, waraŋ i daa ye i duŋ,

Jabuuroolu 48:11

Siyoni moolu ye seewoo, Yahuuda saatewolu moolu ye seewoo, kaatu i la kiitiiteyoolu tilinta le.

Jabuuroolu 19:14

Hee Yaawe, ite le mu n na semberaŋ beroo ti, aniŋ m bondilaa. Allamaa n daakumoolu niŋ n sondomoo kono miiroolu ye ke i ñaa koto mutataa ti.

Jabuuroolu 11:6

A be dimbaa keñembu wuleŋo niŋ solifa* dimbaa le jindi la moo kuruŋolu kaŋ, komeŋ samaajiyo. A be ì jarabi la foño kandi jawu baa le la.

Jabuuroolu 5:1

Hee Yaawe*, i lamoyi n na kumoolu la, moyiri ke n na ŋuntaŋolu la.

2 Mansoolu 19:19

Wo to saayiŋ Yaawe, ǹ na Alla, ǹ tankandi mansa ñiŋ bulu. Niŋ wo keta, duniyaa mansamarali bankoolu bee si a loŋ ko, ite Yaawe doroŋ ne mu Alla ti.”

1 Samuweli 17:46

Bii luŋo faŋo Yaawe be i duŋ na m bulu le, aduŋ m be i noo la keloo la le, ŋa i kaŋo kuntu. Bituŋ ŋa naa Filisitinkoolu la kelediŋolu baloolu dii duwoolu niŋ daafeŋolu la, ì ye ì domo. Wo to le duniyaa bee be a loŋ na ko, Banisirayila ye Alla soto le.

2 Musa 14:31

Kabiriŋ Banisirayilankoolu ye sembe baa je, Yaawe ye Misirankoolu noo meŋ na, ì silata Yaawe la, aduŋ ì laata a niŋ a la dookuulaa Musa la.

2 Musa 14:10

Kabiriŋ Banisirayilankoolu ye a je, Firawoona niŋ a la kelediŋ kafoo ka kata naŋ, ì kijoo farata, ì kumboota Yaawe ye maakoyiroo la.

Yesaya 28:13

Wo to, Alla la kumoo be ke la itolu fee le komeŋ, balabala, balabala, balabala kuma kenseŋ. Wo be a tinna le, ì ye boyi ì koo la, ì ye barama, ì siŋo ye duŋ kutindiŋo daa, ì jawoolu ye ì muta.

Jabuuroolu 140:9

Moolu mennu ye m murubeŋ, ì daalu ka mantooroo meŋ saabu, a ye kupi ì faŋolu kuŋo kaŋ.

Jabuuroolu 92:3

ka a ke niŋ kooraa la, aniŋ suusaa, ka a laa niŋ kontiŋ julu diimaa la.

Yuuba 18:9

Kutindiŋo ye ì muta ì tonkoliŋo to, a soronta ì fee.

Jabuuroolu 7:16

A la feere kuruŋolu ka naa donko a faŋo kuŋo le kaŋ. A ka fitinoo meŋ kurukuru, a be denkuŋ na a faŋo le kaŋ.

Daniyeli 6:25

Bituŋ Mansa Dariyusi ye safeeroo ke, a ye a kii duniyaa banku-wo-banku kaŋ, sii-wo-sii, aniŋ moolu bee. A ko: “M be kayira baa duwaa la ali ye.