Jabuuroolu 9:14 - Mandinka Bible

¹⁴ ñiŋ kamma la n si loo saatee ñiimaa Siyoni dundaŋ daalu* to, ka kuwolu seyinkaŋ moolu ye, n ka i tentu mennu la, ka seewoo, kaatu i ye n kiisa le.

Jabuuroolu 9:14 ပူးပေါင်းရင်းမြစ်များ

Jabuuroolu 13:5

Nte ye n jikoo loo i la kanu bambaloo le kaŋ. M be jusulaa la le, kaatu i be n kiisa la le.

Jabuuroolu 106:2

Jumaa le si kuwolu bee fo noo Yaawe ye mennu ke, waraŋ ka a jayi noo timmarinke?

Jabuuroolu 51:12

Seewoo dii n na kotenke i la kiisandiroo ka meŋ saabu. M bambandi ka i la kuwo muta n niyo la.

Jabuuroolu 35:9

Wo le to m be jusulaa la Yaawe la kuwo la, ka seewoo a la n tankandoo kaŋ.

Jabuuroolu 20:5

Wo to le m̀ be wuuri la seewoo kono, i la nooroo kaŋ, ka ǹ na bandeeroolu wulindi n na Alla tooyaa la. Allamaa Yaawe ye kuwolu bee ke i ye, i ye a daani mennu la.

Yesaya 37:22

a ye ñiŋ kumoo le fo a la kuwo to ko: “Dimmusuriŋ* Siyoni* ye Sennakeribu koŋ ne, aduŋ Dimmusoo Yerusalaamu jututa a la le. Ì jeleta a la le, biriŋ a be bori la.

Jabuuroolu 21:1

Hee Yaawe*, mansa jusulaata le, kaatu i ye a bambandi le, a seewoota baake le i la maakoyiroo kaŋ, ka a jawoolu noo.

1 Samuweli 2:1

Bituŋ Hanna duwaata, a ko: Yaawe* la kuwo kamma la n sondomoo faata niŋ seewoo le la. Yaawe ye n ke sembemaa ti. N daa si kuma baalu fo n jawoolu ma. N seewoota ñaameŋ, kaatu ite ye n tanka le.

Luka 1:47

n niyo seewoota Alla la kuwo to, n na Kiisandirilaa.

Habakuki 3:18

bari hani wo ñaa-wo-ñaa, nte be seewoo la Yaawe* la kuwo la le, m be seewoo la Alla la kuwo la le, n Kiisalaa.

Mika 4:13

Yaawe naata a fo ko: “Dimmusuriŋ Siyoni, wuli i ye ì toñonka. M be neebinoo le faliŋ na i ye, ŋa jaawali worosoolu faliŋ i ye. I be banku jamaa le toñonka la, ka ke ko munku budewo. I be ì la ñapinkaŋ feŋolu samba la naŋ nte Yaawe le kaŋ, duniyaa Maariyo, aniŋ ì la sotofeŋolu.”

Yesaya 62:11

Yaawe ye kankulaaroo ke le fo duniyaa daŋo to ka a fo Dimmusuriŋ* Siyoni ye ko: “A juubee, i Kiisandirilaa naata le. A la jooroo be a bulu le, aduŋ a niŋ nafaa le ka naa.”

Yesaya 12:3

Ali be jiyo bii la kiisa koloŋolu kono le, ali niŋ seewoo.

Jabuuroolu 79:13

Wo le to ntolu, i la saajii koorewo, ǹ si i tentu fo abadaa. Ǹ si tu i jayi la ka taa fo jamaani naalaalu la.

Jabuuroolu 51:15

Maariyo, m firiŋ fo n si kuma noo, aduŋ m be i jayi la le.

Jabuuroolu 42:4

Niitooroo le ka faa n kono niŋ n hakiloo bulata koomanto la, n niŋ moo jamaalu ka taa Alla Batudulaa Buŋo* to ñaameŋ. N ka tambi ì ñaato le, ka tara suukuwo laa kaŋ santo niŋ seewoo la, ka Alla tentu juurali waatoo la.

Jabuuroolu 35:18

M be i tentu la i la moolu la beŋ baa to le ka i jayi jamaa bee ñaatiliŋo la.

Jabuuroolu 22:25

N na jayiroo kafu baa teema sunta ite le la. M be n na laahidoolu timmandi la moolu ñaa la le, mennu ye i kuliyaa.

Jabuuroolu 22:22

M be a fo la m baadiŋolu ye le. M be i jayi la baturilaalu la beŋo to le.

2 Musa 3:7

Yaawe ko, “Ŋa n na moolu la bataa kuwo je le, ì be meŋ kono Misira. Ŋa ì kumboo kaŋo moyi le, kaatu ì la dookuu kuntiyolu le ye ì mantoora, ì la bataa ye n dewuŋ ne.

2 Musa 3:9

Banisirayilankoolu la kumboo futata n na le saayiŋ, aduŋ ŋa a je le, Misirankoolu ka ì mantoora ñaameŋ.

Jabuuroolu 6:3

N niyo faŋo be tooroo le kono. Hee Yaawe, fo janniŋ muŋ tuma?

Jabuuroolu 75:9

Bari nte de, m be tu la a kankulaa la le, Alla ye meŋ ke. M be suukuwo laa la le ka Yaakuba la Alla jayi.