Jabuuroolu 9:13 - Mandinka Bible

¹³ Hee Yaawe, balafaa n ye. A juubee mennu ye n koŋ, ì ye n toorandi ñaameŋ, ite meŋ ka m bondi saayaa daa to,

Jabuuroolu 9:13 ပူးပေါင်းရင်းမြစ်များ

Jabuuroolu 86:13

Kaatu i ye i la kanu bambaloo yitandi nte la baake le. I ye n niyo tankandi le, n sutiyaata saayaa la ñaa-wo-ñaa.

Jabuuroolu 30:3

Hee Yaawe, i ye n tanka kaburoo ma le. Domandiŋ n si taa dinkoo kono, bari i ye m murundi baluwo to le.

Niikuyaa Suukuwolu 1:11

Labaŋo, Yerusalaamu la moolu bee ka yaayi domori ñiniŋo la, ì be woosii kaŋ. Ì ka ì la sotofeŋ kummaalu faliŋ domoroo la, n danko ka baluu. Yerusalaamu kumboota, “Hee Yaawe, n juubee, i ye n na bataa daa je.”

Niikuyaa Suukuwolu 1:9

Kosoo le be i la faani tuloo bala, i maŋ i labaŋo muta feŋ ti, wo le ye i la boyoo saŋarandi, i maŋ sabarindilaa soto. I kumboota, “Hee Yaawe, n na mantooroo juubee, n jawoolu ye i kutu n na le.”

Yesaya 38:10

Ŋa ñiŋ ne miira m faŋ ma ko, m be n taŋ niŋ fula waatoo meŋ na, saayaa be n na daa konkoŋ na le, ka n na baluwo toomaa bee buusi m bulu.

Jabuuroolu 142:6

I lamoyi n na woosiikaŋo la, kaatu n korita le las. N tanka n toorandilaalu ma, kaatu itolu le semboo warata n ti baake.

Jabuuroolu 119:153

N na bataa juubee, i ye n kiisa, kaatu m maŋ ñina i la yaamaroo la.

Jabuuroolu 119:132

I ñaa fayi n kaŋ, i ye balafaa n ye, ko i ka a ke moolu ye ñaameŋ, mennu ye i kanu.

Jabuuroolu 56:13

kaatu i ye n tankandi saayaa ma le, i ye n siŋo tanka takoo ma, fo n si tara taama la ite Alla ñaatiliŋo la, maloo kono meŋ ka baluwo dii.

Jabuuroolu 51:1

Hee Alla, balafaa n ye, ka bo niŋ i la kanu bambaloo la. I la balafaa warata le, wo kamma la n na junuboolu tuutuu.

Jabuuroolu 38:19

N jawu kumbaa jamaalu semboo warata le. Mennu ye n koŋ, daliila te a la, ì siyaata le.

Jabuuroolu 25:19

I miira n jawoolu la siyaañaa la, aniŋ ì ye n koŋ jawuke ñaameŋ.

Jabuuroolu 13:3

Hee Yaawe n na Alla, i miira n na, i ye n jaabi. N ñaalu fanundi, niŋ wo nte m miŋ jiyo si dooyaa.

Nehemiya 9:32

“Wo to, m̀ Maarii Alla, ite le warata, i semboo warata, aduŋ i ñaasilaŋo warata le. Ite meŋ ka i la kambeŋo muta niŋ kanu bambaloo la, bataa kuwo kana dooyaa i ñaa koto, meŋ laata ǹ kaŋ, ǹ niŋ ǹ na mansoolu, maralilaalu, piriisoolu*, annabiyomoolu, m̀ mumuñolu, ka taa i la moo toomaalu bee, ka bo Asiriya mansoolu la waatoo la, ka naa bula bii la.

Yohana 2:6

Bere jiibindaa wooro le be nuŋ looriŋ jee. Yahuudoolu ye ñinnu soto ì la seneyandiroo le kamma, ko ì la aadoo ye a landi ñaameŋ. Jiibindaa-wo-jiibindaa ka liitari keme ñoŋ ne taa.

Jabuuroolu 107:18

Ì ka ñewuŋ domoroo faŋo la le, aduŋ ì tarata saayaa le daa to.

1 Musa 4:9

Bituŋ Yaawe ko Kaabiila ye ko, “I doomaa Haabiila lee?” Kaabiila ko a ye ko, “M maŋ a je. Fo nte le mu n doomaa kantalaa ti baŋ?”

1 Musa 4:10

Yaawe ko a ye ko, “I ye muŋ ne ke teŋ? I lamoyi, i doomaa yeloo be woosii kaŋ n ye ka bo bankoo kaŋ.

1 Mansoolu 21:19

I si a fo a ye, Yaawe ye ñiŋ ne fo ko, ate ye moo faa le, aduŋ a muruta, a ye a la feŋo taa. Bituŋ i si naa a fo a ye fanaa Yaawe ye ñiŋ ne fo ko, wuloolu ye Naboti yeloo newuŋ daameŋ to, wuloolu be a fanaa yeloo newuŋ na jee le, ate faŋo!”

2 Mansoolu 9:26

‘Nte Yaawe ye ñiŋ bankee le ko, ŋa Naboti niŋ a dinkewolu yeloo je bondiŋ ne kunuŋ, aduŋ ŋa n kaŋo dii le ko, m be ì la juloo joo la i to ñiŋ kunku kiliŋo le kono.’ Wo to a sika i ye a fayi kunkoo ñiŋ kono, komeŋ Yaawe la kumoo ye a yitandi ñaameŋ.”

2 Taarika 24:22

Mansa Yowasi hakiloo maŋ bula Yehoyada, Jakariya faamaa ye timinandiyaa meŋ yita a la, bari a ye a dinkewo Jakariya faa. Kabiriŋ Jakariya be faa kaŋ, a ko, “Allamaa Yaawe ye ñiŋ juloo joo i to, ka i halaki.”

Jabuuroolu 10:12

Hee Yaawe Alla, wuli, i buloo ye laa moo kuruŋolu kaŋ. Kana ñina moo toorariŋolu la.

Jabuuroolu 12:6

Yaawe la laahidi kumoolu maŋ sootaari soto, ì ka munta le ì ye kodiforoo meŋ seneyandi tunkaŋ dimbaa kono, a seneyaata ko siiñaa woorowula.