Jabuuroolu 9:12 - Mandinka Bible

¹² Ate meŋ ka moofaa juloo joo, a ka moo toorariŋolu hati le. A buka ñina moolu la kumboo la, ì ka mennu toorandi.

Jabuuroolu 9:12 ပူးပေါင်းရင်းမြစ်များ

2 Musa 3:7

Yaawe ko, “Ŋa n na moolu la bataa kuwo je le, ì be meŋ kono Misira. Ŋa ì kumboo kaŋo moyi le, kaatu ì la dookuu kuntiyolu le ye ì mantoora, ì la bataa ye n dewuŋ ne.

Jabuuroolu 34:6

Nte koritoo woosiita a ye le, a ye n jaabi, aduŋ a ye n kiisa n na mantoora kuwolu bee kono le.

Lankenemoo 16:6

Moolu mennu ye i la moo senuŋolu yeloo boŋ, a niŋ annabiyomoolu yeloo, ite naata ì mindi niŋ yeloo le la. Ì jarita kuluuroo meŋ na, ì naata a soto le.”

1 Musa 9:5

Niŋ moo-wo-moo ye a ñoŋ moo faa, ka a yeloo boŋ, m be a juloo joo la a maarii to le. A joo ñanta ke la a faŋo niyo le ti. Niŋ daafeŋo ye moo faa, wo daafeŋo ñanta faa la le.

Yesaya 26:21

A juubee, Yaawe be finti la naŋ a sabatidulaa kono le, ka moolu jarabi ì la junube kewo la. Bankoo be moo faariŋolu waañaari la le, ì ye mennu faa, a te ì maabo la kotenke.

Jabuuroolu 22:24

A buka jutu moo bataariŋolu la sako ka ñewuŋ ì la, ì la bataa kono, bari a ka ì jaabi le niŋ ì woosiita a ye maakoyiroo la.

Kiitindirilaalu 10:16

Bituŋ ì ye wo jalaŋolu bee landi kara la, ì ye ì ñaa tiliŋ Yaawe batoo la. A balafaata Banisirayilankoolu ye, ì la bataa kaŋ.

Jabuuroolu 102:17

A be i lamoyi la yaantaŋolu la duwaa la le, aduŋ a te a ñaa kaasi la a la moolu la daaniroo la.

Jabuuroolu 10:17

Hee Yaawe, ite be i lamoyi la fammajiilaalu la duwaa la le, ka ì la duwaa jaabi. I be ì sondomoo bambandi la le.

Jabuuroolu 10:14

Bari ite Alla ka jeroo ke le de, ka moo bataariŋolu la kuwo hakilitu, aniŋ niitoorariŋolu, ñiŋ kamma la i si i buloo duŋ ì la kuwo to ka ì maakoyi. Moolu mennu te ì faŋ maakoyi noo la ka ì faŋolu karafa ite le ma. Ite le mu aliyatiimoolu maakoyilaa ti.

2 Mansoolu 24:4

sako a ye moolu mennu faa, mennu maŋ kuu ke. A ye ì yeloo boŋ Yerusalaamu saatewo karoo bee le la, aduŋ Yaawe te yamfa noo la wo kuwo la.

2 Musa 3:9

Banisirayilankoolu la kumboo futata n na le saayiŋ, aduŋ ŋa a je le, Misirankoolu ka ì mantoora ñaameŋ.

Matiyu 23:35

Wo le ye a tinna yankankatoo be boyi la ali kaŋ moo tilindiŋolu bee yeloo boŋo kamma la, ka bo Haabiila yeloo to ka naa fo Jakariya yeloo to, Berekiya dinkewo, ali ye meŋ faa Alla Batudulaa Buŋo niŋ sadaajanidulaa teema.

Jabuuroolu 68:17

Maariyo bota naŋ Siyoni Konkoo to, a niŋ a la keleraŋ sareeti* wuli dambaloolu, ka duŋ a Batudulaa Senuŋo kono.

Jabuuroolu 74:2

I miira i la moolu la, i ye mennu tomboŋ waati jaŋ koomanto, i la moolu, lasiloo i faŋo ye meŋ kumakaa. I hakiloo ye bula Siyoni* Konkoo la, i ye daameŋ ke i taradulaa ti.

Jabuuroolu 76:3

A ye a jawoolu la kalabeñe saŋaroolu buruka jee le, ka taa ì la tankaraŋ koteeroolu*, hawusaroolu*, aniŋ ì la kelejooraŋ koteŋolu bee. S

Jabuuroolu 132:13

Baawo Yaawe ye Siyoni* le tomboŋ, a la lafoo mu ñiŋ ne ti, ka jee ke a yaa ti.

Yesaya 8:18

M fele, n niŋ n diŋolu Yaawe ye mennu dii n na! Ntolu le mu taamanseeroolu niŋ yitandiroolu ti, Banisirayila kono, ka bo naŋ Yaawe Alihawaa Maariyo bulu, meŋ be sabatiriŋ Siyoni* Konkoo kaŋ.