Jabuuroolu 9:11 - Mandinka Bible

¹¹ Ali suukuwo laa ka Yaawe jayi, meŋ na mansasiiraŋo be Siyoni*. Ali a seyinkaŋ duniyaa moolu ye a ye kuwolu mennu ke.

Jabuuroolu 9:11 ပူးပေါင်းရင်းမြစ်များ

Jabuuroolu 107:22

Ì ñanta tenturulaŋ sadaalu* bondi la a ye le, aniŋ ka suukuwolu laa niŋ seewoo la, ka a fo a ye kuwolu mennu ke.

Jabuuroolu 66:2

Ali suukuwo laa ka a too senuŋo horoma, ali ye jayiroo kidimandi a ye.

Jabuuroolu 118:17

M maŋ taa faa la, fo n si baluu ka a seyinkaŋ Yaawe ye meŋ ke.

Jabuuroolu 96:10

Ali a kankulaa duniyaa moolu kono ko, “Yaawe mu Mansa le ti. A ye duniyaa londi le a bambanta, a te wutu la a noo to. A be moolu kiitindi la tiliŋo niŋ tooñaa le la.”

Jabuuroolu 66:5

Ali naa ka a je Alla ye kuwolu mennu ke, a ye kuu baalu mennu ke hadamadiŋolu ye.

Jabuuroolu 76:2

A ye Yerusalaamu le ke a taradulaa ti, Siyoni* Konkoo le mu a sabatidulaa ti.

Lankenemoo 14:1

Bituŋ ŋa juubeeroo ke, ŋa Saajiiriŋo je looriŋ Siyoni* Konkoo kaŋ, aduŋ moo wuli keme wuli taŋ naani niŋ naani be a fee. A too niŋ a Faamaa too le be safeeriŋ wolu foŋolu to.

Yesaya 14:32

Muŋ jaabiri le be dii la kiilaalu la, mennu bota Filisitini bankoo kaŋ? M̀ be a fo la le ko, “Yaawe le ye Siyoni* londi fo a bambanta, aduŋ a la moo toorariŋolu be tankoo soto la jee le.”

Jabuuroolu 78:68

Bari a ye Yahuuda lasiloo le tomboŋ, Siyoni* Konkoo to, a ye meŋ kanu.

Yohana 17:26

Ŋa ì londi i too la le, aduŋ m be tenteŋ na le ka moolu londi i too la, fo i ye kanoo meŋ soto n ye, ì fanaa si a soto aniŋ nte ye tara itolu kono.”

Hiburunkoolu 12:22

Bari alitolu naata Siyoni* Konkoo le kaŋ, Alla baluuriŋo la saatewo to. Wo saatewo mu wo Yerusalaamu le ti, meŋ be Arijana kono, malaayika kontibaloolu be bendiŋ juuraloo la daameŋ.

Jabuuroolu 91:14

Alla ko, “Bayiri i ye n kanu le, m be i kiisa la le. M be i tanka la le, bayiri i ye n loŋ ne, i jikita n na.