Jabuuroolu 89:3 - Mandinka Bible

³ I ye ñiŋ ne fo ko, i ye kambeŋo le siti i niŋ i la tomboŋ moo teema, i ye i la dookuulaa Dawuda laahidi le ko,

Jabuuroolu 89:3 ပူးပေါင်းရင်းမြစ်များ

Jabuuroolu 132:11

Yaawe, i ye laahidi bambandiŋo le dii Dawuda la, i te meŋ baayi la. I ye ñiŋ ne fo a ye ko, “M be i diŋo le ke la i noo to mansa ti, meŋ be bo la i faŋo balajaatoo bala.

Kiilaalu 2:30

A mu annabiyomoo le ti nuŋ, aduŋ a ye Alla la laahidi bambandiŋo loŋ ne ko, a koomalankoolu kono, kiliŋ be sii la a la mansasiiraŋo kaŋ ne.

Jabuuroolu 89:28

M be n na kanu bambaloo muta la a fee le fo abadaa, aduŋ ŋa kambeŋo meŋ siti n niŋ a teema, a be tu la bambandiŋ ne.

1 Mansoolu 8:16

‘Ka bo luŋo meŋ na ŋa n na moolu Banisirayilankoolu fintindi naŋ Misira kono, m maŋ saatewo tomboŋ Banisirayila lasili kiliŋ na tundoo kaŋ ka m Batudulaa Buŋo loo, n too ye tara jee, bari ŋa Dawuda le tomboŋ ka n na moolu, Banisirayilankoolu mara.’ ”

2 Samuweli 23:5

Fo n na dimbaayaa maŋ tiliŋ Alla fee baŋ, kaatu a niŋ ŋa kambeŋo le siti fo abadaa, jikoo meŋ te buruka la. A be maakoyiri baa le ke la n ye. N lafita meŋ-wo-meŋ na, fo Alla te m maakoyi la, a ye ke baŋ?

Hiburunkoolu 7:21

bari kaloo keta Yeesu dammaa le la kuwo to ko: “Maariyo ye i kali le, aduŋ a te a hakiloo faliŋ na: ‘Ite keta piriisoo le ti fo abadaa.’ ”

Hoseya 3:5

Wo koolaa, Banisirayilankoolu be muru la le, ì ye Yaawe ñini ì la Alla, aniŋ Dawuda koomalankoo, ì la mansa. Ì si naa Yaawe kaŋ, ì niŋ buuñaa, aduŋ a be neema la ì ma luŋ labaŋolu la le.

Yesaya 55:3

Ali naa n kaŋ ali ye ali tuloo loo n na kendeke. Ali i lamoyi n na fo ali si baluu. Kambeŋo meŋ te daŋ na, n niŋ ali be wo le siti la, n na kanu bambaloo, ŋa meŋ laahidi Dawuda ye.

2 Samuweli 3:9

Yaawe* ye Dawuda laahidi ñiŋ ne la ko, a be mansamarali bankoo buusi la Sawulu bulu le, aniŋ a koomalankoolu. Aduŋ a be Dawuda ke la Banisirayila niŋ Yahuuda bee la mansa ti le, ka bo bankoo tonkoŋ fo a tonkoŋ. Allamaa Alla ye n halaki, niŋ m maŋ ñiŋ kumoo tooñaayandi.”

Matiyu 3:17

Bituŋ kumakaŋo naata bo saŋo santo ko, “Ñiŋ ne mu n Kanu Dinkewo ti, n jusoo laata meŋ na kuwo la baake.”

Yeremiya 30:9

Bari ali be nte Yaawe, ali la Alla le batu la, aniŋ ali la mansakewo Dawuda koomalankoo, m be meŋ wulindi la ali ye.

Jabuuroolu 89:39

I ye i la kambeŋo kuntu i niŋ i la dookuulaa teema le, aduŋ i ye a la mansanaafoo fayi buutoo kono ka a la dawuloo jindi.

Jabuuroolu 78:70

A ye a la dookuulaa Dawuda tomboŋ ne, ka bo saajii kanta dulaa to.

Yesaya 42:1

Yaawe* ko: “N na dookuulaa fele, ŋa meŋ na kuwo bambandi. Ŋa ate le tomboŋ, aduŋ a la kuwo ye n seewoo le. M be n na Nooroo jindi la a kaŋ ne, aduŋ a be kiitii tilindiŋo naati la bankoolu kaŋ ne.

Jabuuroolu 89:19

Waati jaŋ koomanto, i diyaamuta i la lannamoolu ye jeroo kono ko: “Ŋa semboo dii kelejawaroo doo le la, ŋa a tomboŋ moolu kono, ŋa a sikandi.

Kiitindirilaalu 2:1

Yaawe* la malaayikoo taata ka bo Kilikali ka taa Bokimu. A ko ì ye ko, “Nte le ye ali bondi naŋ ka bo Misira, aduŋ nte le ye ali ñaatonkayaa ka taa bankoo kaŋ, ŋa n kali ka meŋ dii ali mumuñolu la. Nte le ko, n nene te n niŋ ali la kambeŋo tiñaa la.