Jabuuroolu 88:7 - Mandinka Bible

⁷ I la kamfaa dunoo kuliyaata n kaŋ ne, aduŋ a ye n teerindi le komeŋ waame jiibaliŋolu. S

Jabuuroolu 88:7 ပူးပေါင်းရင်းမြစ်များ

Jabuuroolu 42:7

I ye niikuyaa jiibalimmaalu le samba naŋ n kaŋ. N ka bumbuŋ kaŋo le moyi, meŋ dunta ñoo to. I ye mantooroo waamemaa le naati n kaŋ.

1 Pita 2:24

Kiristu faŋo le ye ǹ na junuboolu dunoo taa, ka bo niŋ a baloo la, a ye ì samba yiribantambiloo kaŋ, fo ǹ si faa junuboo la karoo la, aduŋ ǹ si baluu tiliŋo ye. Ka bo niŋ a la baramoolu le la, ali kendeyaata.

Yuuba 6:4

Alla Tallaa ye m buŋ a la kalabeñoolu le la. Ì kunoo dunta n jaatoo kono. Alla ye silaŋ kuwolu le randi n kamma.

Yohana 3:36

Moo meŋ laata Dinkewo la, wo ye badaa-badaa baluwo le soto. Bari moo meŋ maŋ Dinkewo la yaamaroo muta, wo te badaa-badaa baluwo je la, bari Alla la kamfaa baa le be tu la a kaŋ.

Yunusa 2:3

I ye m fayi diinoŋo le to, ka taa fo baa duumoo to, daameŋ jiyo be m baloo karoo bee la, aduŋ i la baa baliŋo semboo bee ka naa n kaŋ ne.

Jabuuroolu 90:7

I la kamfaa niŋ i la jusukandoo ǹ kamma, wo le ka ǹ kijabo, a ye ǹ kasaara.

Jabuuroolu 38:1

Hee Yaawe, kana n jalayi i la kamfaa kaŋ, waraŋ ka n kuluu i la jusukandoo kaŋ.

Jabuuroolu 32:4

kaatu suutoo niŋ tiloo, i bulu laata n kaŋ kendeke le. M barakoo sulenta le, a keta komeŋ tilikandikono jaa. S

Yuuba 10:16

Niŋ ŋa n sañoo wulindi, i ye tara n deema kaŋ komeŋ jatoo, i ye n toorandi kotenke i sembe kaawakuwo la.

Jabuuroolu 69:3

N korita wuuroo la le, fo n kaŋ konotoo jaata, n ñaalu dibita m ma kut, feŋ te fo n ka n na Alla la maakoyiroo meŋ batu.

Yunusa 2:4

Ŋa a miira le nuŋ ko, n yeemanta i la karoo la le. Bari hani wo, m be i la buŋ senuŋo je la le kotenke.