Jabuuroolu 86:2 - Mandinka Bible

² N niyo tankandi kaatu nte foroyaata le. Ite le mu n na Alla ti. N tankandi, nte mu i la dookuulaa le ti, aduŋ ŋa n jikoo loo ite le kaŋ.

Jabuuroolu 86:2 ပူးပေါင်းရင်းမြစ်များ

Jabuuroolu 4:3

Bari ali si a loŋ ko, Yaawe* ye moo tilindiŋolu le tomboŋ ka ke a la moolu ti. Niŋ ŋa Yaawe kumandi, a be n danku la le.

Jabuuroolu 25:2

N na Alla, ŋa n jikoo loo ite le kaŋ. Kana soŋ ŋa bula maloo kono. Kana n jawoolu bula ì ye jele n na.

Yohana 17:11

“Saayiŋ, n ka naa ite le yaa, nte maŋ tara duniyaa kono kotenke, bari itolu be duniyaa kono le. M Faamaa Senuŋo, ì tankandi ka bo niŋ i too semboo la, i ye meŋ dii n na, fo itolu si ke kiliŋ ti, ko ntolu mu kiliŋ ti ñaameŋ.

Jabuuroolu 119:94

Ite le taa mu n ti, wo to n tankandi, kaatu n hameta le ka i la luwaalu muta.

Jabuuroolu 31:1

Hee Yaawe*, m bambuta ite le kooma, kana soŋ ŋa malu muumeeke. N tankandi i la tiliŋo kaŋ.

Jabuuroolu 18:19

A ye m fintindi kene fanuñaa to, a ye n tankandi, kaatu n na kuwo ye a seewoo le.

Jabuuroolu 16:1

Hee Alla, n kanta, kaatu m be tuukuriŋ ite le la, ka n tankandi.

Jabuuroolu 13:5

Nte ye n jikoo loo i la kanu bambaloo le kaŋ. M be jusulaa la le, kaatu i be n kiisa la le.

Roomankoolu 9:18

Wo to Alla ka hiina moo le la, a lafita ka hiina meŋ na, aduŋ a ka moo le sondomoo jandi, a lafita meŋ sondomoo jandi la.

Yohana 12:26

Niŋ moo meŋ ka dookuwo ke n ye, a ñanta nte nooma la le, aduŋ m be daameŋ, n na dookuulaa fanaa be tara la jee le to. Moo meŋ ka dookuwo ke n ye, m Faamaa be wo maarii horomandi la le.

Jabuuroolu 143:12

I la kanu bambaloo kaŋ n jawoolu siyo kuntu, i ye n toorandilaalu kasaara, kaatu nte mu i la dookuulaa le ti.

Jabuuroolu 50:5

A ko, “Ali n na lannamoolu kafu n ye naŋ ñoo ma, mennu niŋ ŋa kambeŋo siti ka bo niŋ beeyaŋ sadaalu* la.”

Jabuuroolu 37:28

Kaatu Yaawe ye tiliŋo le kanu, aduŋ a te a koo dii la a la moo tilindiŋolu la. A ka ì kanta le fo abadaa, bari moo jawoolu koomalankoolu, a be wolu wafati la bankoo kaŋ ne.

Jabuuroolu 31:14

Bari Yaawe, nte be jikiriŋ ite le la de, n ko ite le mu n na Alla ti.

1 Samuweli 2:9

A be a la moo kendoolu kanta la ì la siloolu kaŋ ne, bari moo jawoolu be tara la deyiriŋ diboo le kono. Moo faŋo semboo buka a samba ñaato.