Jabuuroolu 85:6 - Mandinka Bible

⁶ Fo i te ǹ na baluwo kutayandi la kotenke, fo ntolu, i la moolu, si seewoo i la keroolu la?

Jabuuroolu 85:6 ပူးပေါင်းရင်းမြစ်များ

Habakuki 3:2

Hee Yaawe*, ŋa a moyi le i ye meŋ ke, aduŋ a ye m masilaŋ ne. Hee Yaawe, a ke kotenke ntolu fanaa tiloo la, ǹ ñaa ye boyi a kaŋ ǹ na waatoolu la. Hani niŋ i kamfaata, balafaa soto ntolu ye.

Jabuuroolu 80:18

Wo to ǹ te ǹ koo dii la i la kotenke. Ǹ na baluwo kutayandi, m̀ be kali i tentu la i too la le.

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Jabuuroolu 90:14

I la kanu bambaloo yitandi ǹ na fanoo la ke tumoo la, fo ǹ si seewoo ka suukuwo laa ǹ na baluu tiloolu bee la.

Hoseya 6:2

Tili fula ñaato, a be m̀ murundi la ǹ ñaama le. Tili sabanjaŋo, a be ǹ wulindi la le, ŋà loo, fo ǹ si baluu a ñaatiliŋo la.

Jabuuroolu 71:20

I ye bataa baa niŋ mantooroo laa n kaŋ ne, bari i be muru la le i ye m bambandi, ka m bondi saayaa daa to, i ye m murundi baluwo to kotenke.

Jabuuroolu 53:6

M be ñaaniriŋ ne fo kiisoo si bo Banisirayila ye naŋ Siyoni*. Niŋ Alla ye a la moolu murundi firiŋo kono, Yaakuba koomalankoolu si seewoo, Banisirayilankoolu bee si jusulaa.

Jabuuroolu 138:7

Hani niŋ mantooroo naata n ye karoo bee la, ite le ka n niyo tanka. Ite le ka i buloo kuntuntee n jawoolu ñaato, niŋ ì be kamfaariŋ n kamma, aduŋ i ka n kiisa niŋ i bulubaa buloo le la.

Yeremiya 33:11

Maadiyaa niŋ seewoo kumakaŋolu be ke la jee le, aniŋ maañoo niŋ a keemaa la maañoobiti maakaŋo, ka taa moolu kumakaŋo, mennu be kali tenturulaŋ sadaalu* samba la nte Yaawe Batudulaa Buŋo* to, ka suukuwo laa ko, ‘Ali Yaawe Alihawaa Maariyo* tentu, kaatu Yaawe beteyaata le, a la kanu bambaloo be tu la le fo abadaa.’ M be ñiŋ bankoo moolu la firiŋo murundi la a ñaama le ko ì be nuŋ ñaameŋ folooto.” Yaawe le ye a fo.

Jabuuroolu 149:2

Banisirayilankoolu, ali jusulaa ali Daamansoo la kuwo to. Siyoni* moolu, ali seewoo ali la Mansa la kuwo to.

Jabuuroolu 74:1

Hee Alla, muŋ ne ye a tinna i ye i koo dii ntolu la fo fawu? Muŋ ne ye a tinna i jusoo kandita i faŋo la saajii koorewo kamma, i mu mennu kantalaa ti?

Jabuuroolu 77:8

Fo a ye i foño le ka a la kanu bambaloo yitandi ǹ na fo fawu? Fo a te a la laahidoolu timmandi la ǹ ye kotenke?

Yeremiya 3:5

I ka a fo ko, ‘Fo a be tu la kamfaariŋ n kamma le, ka tu kamfaariŋ n kamma fo fawu?’ A fele, i ka wo doroŋ ne fo, bari i ye kuu kuruŋo bee le ke, i ye meŋ noo.”