Jabuuroolu 81:12 - Mandinka Bible

¹² Bituŋ ŋa ì tu ì la sondome jaa kaŋ, ka bula ì fansuŋ yaamaroolu nooma.

Jabuuroolu 81:12 ပူးပေါင်းရင်းမြစ်များ

Yeremiya 7:24

Bari itolu maŋ i lamoyi wo la, sako ka a ke, ì ye kuwolu le ke ì jusu jaaroolu niŋ ì sondome kuruŋolu ye ì samba mennu kaŋ. Ì ye ì koo dii n na le, ì ye ì ñaa bali tiliŋ na n na.

Roomankoolu 1:24

Wo kamma la, Alla ye ì tu ì la sondome hame kuu jawoolu le nooma seneyaabaliyaa kono, ka naa horomantaŋyaa kuwolu ke ñoo baloolu la.

Yesaya 30:1

Yaawe* ye a bankee le ko: “Kooroo be boyi la n na ñiŋ dindiŋ balannaalu kaŋ ne, moolu mennu ka ì fansuŋ feeroolu taamandi mennu maŋ ke n taa ti, ka kambeŋo siti meŋ maŋ ke n na lafoo ti, ka junuboo sapi ñoo kaŋ.

Kiilaalu 7:42

Wo kamma la Alla ye a koo dii ì la, a ye ì bula ka saŋo santo malafeŋolu batu, ko a be safeeriŋ annabiyomoolu la kitaaboo kono ñaameŋ: ‘Alitolu Banisirayilankoolu, ali ye sanji taŋ naanoo meŋ ke keñewuloo kono, fo ali ye beeyaŋ sadaa* waraŋ siimaŋ sadaa naati nte le ye baŋ?

Kiilaalu 14:16

Jamaanoolu mennu tambita, Alla ye nasiyoŋolu bee le bula ka taa ì fansuŋ siloolu la.

Yuuba 8:4

Niŋ i diŋolu ye junube kuwo ke, Alla le ye ì dundi ì la junube kuwo maasiiboo kono.

1 Musa 6:3

Bituŋ Yaawe* kumata ko, “N na niyo te tu la hadamadiŋo bala fo abadaa. A balajaatoo mu suboo le ti, aduŋ a ka faa le. M be a siyo talaa la le fo sanji keme sanji muwaŋ.”

2 Musa 11:9

Koomanto Yaawe ye a fo Musa ye le ko, “Firawoona be balaŋ na le ka i lamoyi i la, fo n na kaawakuwolu si lafaakuu noo Misira.”

3 Musa 26:14

Yaawe naata a fo ko: Niŋ ali maŋ paree i lamoyi la n na, ali ye ñiŋ yaamaroolu bee muta,

1 Samuweli 8:19

Bari moolu balanta ka ì lamoyi Samuweli la. Ì ko, “Hanii, ntolu lafita mansa le la, a ye m̀ mara.

2 Mansoolu 18:12

Ñiŋ keta le kaatu ì maŋ Yaawe, ì la Alla la kumoolu muta. Ì ye a la kambeŋo tiñaa le, aniŋ a ye Musa yaamari meŋ na, Yaawe la dookuulaa. Ì maŋ i lamoyi a la, sako ka soŋ a la.

Nehemiya 9:16

“Bari itolu mennu mu m̀ mumuñolu ti, ì ye ì faŋ wara jawuke le. Ì kaŋo jaata le, ì balanta i la yaamaroolu la.

Yesaya 30:9

Ñinnu mu balannaalu le ti, moolu mennu ka faniyaa fo. Ì buka paree ka i lamoyi Yaawe la yaamaroo la.

Yesaya 42:24

Jumaa le ye Yaakuba ke ñapinkaŋ feŋo ti, ka Banisirayila dii ñapinkannaalu la? Fo a maŋ ke Yaawe le ti baŋ, ŋà junube kuwo ke meŋ na? Kaatu a la moolu te soŋ na bula la a la siloolu nooma, aduŋ ì te a la luwaalu horoma la.

Yeremiya 42:21

A fele bii, ŋa a fo ali ye le, bari ali maŋ Yaawe ali la Alla la kumoo muta feŋ-wo-feŋ ne ti, a ye n kii ka meŋ fo ali ye.

Esekiyeli 20:8

“Bari ì muritita m ma le, ì balanta ka n lamoyi. Hani moo kiliŋ ne maŋ soŋ ka a koo dii Misirankoolu la wo jalaŋolu la, waraŋ ka a la wo batufeŋ haraamuriŋolu fayi, ì ka ì jikoo loo mennu kaŋ ka ì batu. Bituŋ m pareeta ka n na kamfaa bee jindi ì kaŋ naŋ ka ì mantoora Misira bankoo kaŋ.

Hoseya 9:17

N na Alla be i bo la ì to le, kaatu ì maŋ soŋ a ma. Ì be ke la yaayilaalu le ti bankoolu kaŋ taariŋ.