Jabuuroolu 80:8 - Mandinka Bible

⁸ I ye wayini* yiri betoo bondi naŋ Misira le, i ye banku moo koteŋolu bayi, i naata a tutu.

Jabuuroolu 80:8 ပူးပေါင်းရင်းမြစ်များ

Yeremiya 2:21

Nte le ŋa i tutu komeŋ wayini* yiri kendoo, meŋ bota turu betoo bala, wo to muŋ ne ye a tinna i yelemata m bulu, ka ke wulakono wayini yiri kaatibaloo ti?

Jabuuroolu 44:2

Ka bo niŋ i semboo la i ye sii koteŋolu bayi ka finti, bari i ye itolu sabatindi bankoo kaŋ ne. I ye wo sii koteŋolu jarabi le, bari i ye itolu yiriwandi le.

Esekiyeli 17:6

A soronta, a keta yiri woyilaa ti, a woyita duuma, ka janjaŋ karoo bee la. A ye a buloolu fayi ka ì tiliŋ sontiŋo maafaŋo la, a suloolu tuta a be tuturiŋ daameŋ. Bituŋ a keta yiri kendoo ti, buloolu niŋ jamboolu soronta a bala.

Yeremiya 12:10

Kantarilaa jamaalu le ye n na wayini* yiri kankaŋo kasaara, ì ye n na kunkoo doriŋ-doriŋ. Ì ye n na kunku kendoo kenseŋyandi le ka a ke keñewuloo* ti.

Kiilaalu 7:45

M̀ mumuñolu naata ñiŋ tiriliisoo samba naŋ ñiŋ bankoo kaŋ jaŋ waatoo meŋ na, Yosuwa ye ì ñaatonkayaa ka ñiŋ bankoo taa siyolu bulu, Alla ye mennu bayi ì ñaato. Wo tiriliisoo tuta jaŋ ne fo Mansa Dawuda la waatoo.

Esekiyeli 19:10

“I baamaa ka muluŋ ne ko yiri kendoo yiri kankaŋo kono, jiyo siyaata daameŋ. A ka diŋ jamaa le diŋ, bulu jamaa ka soroŋ a bala, feŋ teŋ fo jiyo la siyaa kamma.

Esekiyeli 15:6

Wo kamma la, Maarii Yaawe ye ñiŋ ne fo ko: “Ko wayini yiribuloo be ñaameŋ, ì ka meŋ ke dimbaa malaraŋo ti, m be Yerusalaamunkoolu fanaa ke la dimbaa kono wo le ñaama.

Jabuuroolu 78:55

A ye banku moolu bayi a la moolu ñaato le, a ye ì la bankoo talaa Banisirayilankoolu teema ka ke ì la keetaafeŋo ti, a ye ì la suwolu ke Banisirayila lasiloolu le la suwolu ti.

Yosuwa 13:6

“Mennu be sabatiriŋ konkotundoolu* kaŋ, ka bo Libanooni ka taa Misirefoti-Mayimu mennu mu Sidoninkoolu ti, nte faŋo le be ì bayi la Banisirayilankoolu ye. I si alikuuroo* doroŋ ke, ka ñiŋ bankoo talaa Banisirayilankoolu teema keetaafeŋo ti, ko ŋa i yaamari a la ñaameŋ.

Jabuuroolu 31:17

Yaawe, kana soŋ ŋa malu muumeeke, kaatu n kumboota i ye le. Moo kuruŋolu duŋ maloo kono, ì ye tara deyiriŋ kaburoo kono.

Jabuuroolu 60:3

I ye i la moolu jarabi jawuke le. A ka munta i ye m̀ mindi doloo le la, ka ǹ siirisaarandi.