Jabuuroolu 80:17 - Mandinka Bible

¹⁷ Bari i bulubaa buloo ye tara i la tomboŋ moo koto, wo hadamadiŋo i ye meŋ londi i faŋo ye.

Jabuuroolu 80:17 ပူးပေါင်းရင်းမြစ်များ

Jabuuroolu 110:1

Yaawe* ko m maarii Mansa ye ko, “Sii m bulubaa karoo la, fo ŋa i jawoolu ke i siŋo koto.”

Jabuuroolu 89:21

Wo kamma la m buloo be tara la a koto le, aduŋ n na semboo be a bambandi la le.

Jabuuroolu 80:15

i ye meŋ tutu i bulubaa buloo la, ka a londi i faŋo ye ko dinkewo.

Yesaya 53:5

Ǹ na junuboolu le ye a tinna, ì ye a baloo soo, ǹ na kuu kuruŋolu le ye a tinna, ì ye a baramaŋ-baramaŋ. Jaraboo meŋ laata a kaŋ, wo le ye kayiroo saabu ntolu ma, aduŋ a la baramoolu le ye ntolu kendeyandi.

Yeremiya 11:16

“Nte Yaawe ka ì kumandi nuŋ n na olifu* yirisuŋ biireeriŋo le la, a niŋ a diŋ ñiimaalu. Bari ka bo niŋ turubaadi kumakaŋo la, m be dimbaa duŋ na a la le, a buloolu bee ye jani kewu.”

Esekiyeli 21:3

A fo ì ye, nte Yaawe ye ñiŋ ne fo ko: M buloo be laa la ì kaŋ ne ko n jawoolu. A fele, ŋa n na hawusaroo* bondi a laa kono naŋ ne, ka moo kuruŋolu niŋ moo tilindiŋolu bee faa.