Jabuuroolu 8:4 - Mandinka Bible

⁴ muŋ ne mu moo ti fo i hakiloo ka bula a la? Muŋ ne mu hadamadiŋo ti fo i ka a topatoo?

Jabuuroolu 8:4 ပူးပေါင်းရင်းမြစ်များ

Jabuuroolu 144:3

Yaawe, moo mu muŋ ne ti fo i hakiloo ka bula a la? Hadamadiŋo mu muŋ ne ti fo i ka a hati?

Yuuba 7:17

Muŋ ne ye a tinna hadamadiŋo kummaayaata ite ye, fo i be a la kuwo hakilitu la?

Jabuuroolu 146:3

Kana i jikoo loo maralilaalu kaŋ, hadamadiŋo meŋ te tankandiri ke noo la.

2 Taarika 6:18

“Bari fo tooñaa, Alla si tara noo sabatiriŋ hadamadiŋolu kono duniyaa kono baŋ? Hani saŋ fatoolu daŋo to, ite te kuŋ na wo to, sako ñiŋ buŋo, nte ŋa meŋ loo.

Luka 1:68

“Tenturoo niŋ jayiroo be Maariyo ye, Banisirayila la Alla, kaatu a naata le ka a la moolu kiisa.

Matiyu 8:20

Bituŋ Yeesu ko a ye ko, “Kunkuwuloolu ye dinkoolu soto le, ì ka tara daameŋ to. Aduŋ kunoolu fanaa ye ñaŋolu soto le, ì ka tara daameŋ to. Bari Moo Dinkewo* maŋ hani dulaa soto, a be a kuŋo laa la daameŋ.”

Jabuuroolu 80:17

Bari i bulubaa buloo ye tara i la tomboŋ moo koto, wo hadamadiŋo i ye meŋ londi i faŋo ye.

Yuuba 25:6

Saayiŋ sako hadamadiŋo duŋ, meŋ, a ka faa le, a ye toli. A la kuwo ka muluŋ ne ko tumboo.

Yesaya 51:12

Yaawe ko: “Nte, nte faŋo le ka ali sabarindi. Wo to muŋ ne ye a tinna, ali ka sila hadamadiŋo la, saayaa be meŋ kunna, hadamadiŋo meŋ maŋ ke feŋ ti fo ñaamoo?

Jabuuroolu 106:4

Hee Yaawe, i hakiloo ye bula n na niŋ i be konotodiyaa yitandi la i la moolu la. I la deemaaroo futandi m ma niŋ i be ì tankandi la.

1 Musa 21:1

Yaawe* neemata Saara ma, ko a ye a fo nuŋ ñaameŋ. A ye a laahidi meŋ na, a ye wo le ke a ye.

Yesaya 40:17

Bankoolu bee maŋ ke a ñaa koto feŋ ti, ì maŋ nafaa soto ate fee, ì maŋ ke tuus ti.

Luka 19:44

Ì be i kasaara la le, i niŋ i diŋolu mennu be i fee. Ì te hani bere kiliŋ tu la laariŋ ñoo kaŋ, kaatu i maŋ a suutee, Alla la kiisoo naata i kaŋ waatoo meŋ na nuŋ.”

Esekiyeli 8:15

Wo to le Yaawe Alla ko n ye ko, “Hadamadiŋo, i ye ñinnu je le baŋ? I be naa kuu haraamuriŋolu mennu je la saayiŋ, wolu le be jawuyaa la ka tambi i ye mennu je teŋ.”

Jabuuroolu 4:2

Janniŋ muŋ tuma le mu, alitolu moolu be tu la nte la horoma kuwo ke la n ye maloo ti, ka filibanteeyaa kanu, aniŋ ka bula faniyaa nooma? S

2 Musa 4:31

aduŋ ì laata a la. Kabiriŋ ì ye a moyi ko, Yaawe hakiloo be ì kaŋ ne, aduŋ a ye ì la bataa je le, ì sujudita bankoo to, ì ye baturoo ke.

1 Pita 2:12

Ali tu daajika betoo yitandi la Alla lombaloolu kono. Ì ka ali tuumi le ko, ali mu kuu kuruŋ kelaalu le ti, bari niŋ ì ye ali la kebaara betoolu je, ì fanaa si Alla jayi a la naa luŋo la.

1 Musa 1:1

Foloo-foloo Alla ye saŋo aniŋ bankoo daa.

1 Musa 1:14

Bituŋ Alla kumata ko, “Malafeŋolu ye ke saŋo bala ka suutoo niŋ tiloo bondi ñoo to, aniŋ ì ye ke taamanseeri ti tiloolu la, saŋolu aniŋ waati looriŋolu,

1 Musa 19:35

Bituŋ wo suutoo fanaa ì ye ì faamaa mindi wayinoo la. Bituŋ dindimmaa taata, a niŋ a faamaa kafuta. A faamaa maŋ a loŋ, a niŋ a ye i laa waatoo meŋ na, aduŋ a maŋ a loŋ, a wulita waatoo meŋ fanaa la.

Jabuuroolu 19:2

Luŋ-wo-luŋ ì ka tu diyaamoo la le, suuto-wo-suuto ì ka londoo le feenee.

Jabuuroolu 96:5

Kaatu moolu ye feŋolu mennu muta Alla ti, ì mu jalaŋ kenseŋolu le ti. Bari Yaawe le ye saŋ fatoolu daa.

Jabuuroolu 136:5

Ate le ye saŋ fatoolu daa a la ñaameŋo la, a la kanu bambaloo be tu la le fo abadaa.

Jabuuroolu 136:9

Karoo niŋ looloolu ka suutoo la kuwo le mara, a la kanu bambaloo be tu la le fo abadaa.