Jabuuroolu 8:3 - Mandinka Bible

³ Niŋ ŋa i la saŋ fatoolu la kuwo miira, i buloo la daaroo, karoo aniŋ looloolu, i ye mennu londi,

Jabuuroolu 8:3 ပူးပေါင်းရင်းမြစ်များ

1 Musa 1:1

Foloo-foloo Alla ye saŋo aniŋ bankoo daa.

Jabuuroolu 33:6

Yaawe ye saŋ fatoolu daa a la kumoo le la, tiloo, karoo, aniŋ looloolu daata a la kumakaŋo le la.

Jabuuroolu 111:2

Yaawe la keroolu kaawakuuyaata le. Moolu mennu bee ka seewoo ì la, ì ka lafi le ka i miira ì la.

Jabuuroolu 104:19

Ite le ye karoo daa ka ke taamanseeri ti waati looriŋolu la, aduŋ tiloo ye a boyi waatoo loŋ ne.

Jabuuroolu 89:11

Saŋ fatoolu mu i taa le ti, aniŋ bankoo fanaa. Ite le ye duniyaa daa, aniŋ feŋolu mennu bee be a kono.

Roomankoolu 1:20

Alla meŋ faŋo buka je noo, a la badaa-badaa semboo niŋ a la mankutoo jeta koyirinke le ka bo daaroo waatoo la feŋolu to, a ye mennu daa. Wo to ì te kanadaa soto la,

Luka 11:20

Bari niŋ n ka seetaani jawoolu bayi niŋ Alla la semboo le la, wo to Alla la mansabaayaa naata ali kaŋ ne.

2 Musa 8:19

Batuutaatiyolu ko Firawoona ye ko, “Ñiŋ mu Alla faŋo le buloo ti.” Bari Firawoona sondomoo jaata le, a maŋ i lamoyi, ko Yaawe ye a fo nuŋ ñaameŋ.

Yuuba 22:12

Fo Alla maŋ tara Arijana kono baŋ? Looloolu juubee doroŋ, ì jamfabaata santo ñaameŋ!

5 Musa 4:19

Aduŋ niŋ ali ye tiloo niŋ karoo aniŋ looloolu je ali kunto santo, ali kana marisa ka sujudi ì ye waraŋ ka ì batu. Yaawe ali la Alla ye wolu ke jee duniyaa moo bee le ye.

2 Musa 31:18

Kabiriŋ Yaawe pareeta diyaamoo la Musa ye Sinayi Konkoo kaŋ, a ye seedeyaa walaa fuloo dii a la, berewalaalu, ate faŋo ye yaamaroolu safee daameŋ.

Jabuuroolu 148:3

Karoo niŋ tiloo, ali a jayi. Looloolu mennu ka mala, ali a jayi.

Jabuuroolu 19:1

Saŋ fatoolu ka Alla la kallankeeyaa* bankee le, minaayoolu ka a buloo la daaroo kankulaa le.

Yuuba 25:5

Hani karoo faŋo la kuwo le maŋ faramansa Alla ñaa koto, sako looloolu si foori a fee.

Yuuba 25:3

Jumaa le si Alla la kelediŋ kafoolu yaatee noo? Jumaa le be jee, a la maloo buka futa meŋ ma?

Yuuba 36:24

Kana ñina ka Alla tentu a la keroo la, hadamadiŋolu ka meŋ suukuu.