Jabuuroolu 79:8 - Mandinka Bible

⁸ Kana m̀ mumuñolu la junuboolu muta i kono ntolu kamma. Balafaa ǹ ye silaŋ, ǹ korita le las.

Jabuuroolu 79:8 ပူးပေါင်းရင်းမြစ်များ

Yesaya 64:9

Hee Yaawe, kana kamfaa fo a ye landatambi, ka ǹ na junuboolu tu i kono fo abadaa! Ŋà i daani, ǹ na kuwo hakilitu, kaatu ntolu bee mu i la moolu le ti.

Jabuuroolu 142:6

I lamoyi n na woosiikaŋo la, kaatu n korita le las. N tanka n toorandilaalu ma, kaatu itolu le semboo warata n ti baake.

Jabuuroolu 116:6

Yaawe le ka moo tanka meŋ te a faŋ maakoyi noo la. Kabiriŋ m bataata, a ye n tankandi le.

Jabuuroolu 21:3

I ye neemafeŋ kendoolu le naati a kaŋ. Ite le ye saniforo naafoo ke a kuŋo to ka a toloo.

Lankenemoo 18:5

A ye junube kuwolu mennu laa ñoo kaŋ, wolu te kuŋ na saŋo niŋ bankoo teema. Alla hakiloo bulata a la kuu kuruŋolu la le.

Hoseya 9:9

Ali tunenta kuruŋyaa kono le, ko a keta nuŋ Kibeya ñaameŋ. Alla hakiloo be ali la kuu jawoo kaŋ ne, a be ali jarabi la ali la junuboo la le.

Hoseya 8:13

Ì ka beeyaŋ sadaa* le bo, ì ka ì konoolu fandi a suboo la, ì ko, ì ka ì bondi nte le ye. Ì la wo sadaalu maŋ nte Yaawe seewondi. N te ñina la ì la junuboo la, m be ì yankankati la le, ŋa ì murundi Misira.

Daniyeli 9:16

Maariyo, i ye kuu tilindiŋolu mennu taamandi nuŋ ka i la moolu tankandi, wo kuwolu juubee, i ye sabari i la kamfaa niŋ i la diminnaa la, i la saatewo, Yerusalaamu kamma, meŋ be looriŋ i la konko senuŋo* kaŋ. Ǹ na junuboolu niŋ m̀ mumuñolu la junuboolu ye a tinna le ǹ dandanna bankoo moolu ye Yerusalaamu ke jelefeŋo ti, aniŋ i la moolu.

Esekiyeli 2:3

Bituŋ a ko n ye ko: “Hadamadiŋo, m be i kii la Banisirayilankoolu mennu kaŋ, ì muritita m ma le. Ì be balandiŋ ne ka n na yaamaroolu muta, ka bo ì mumuñolu la jamaanoo la fo ka naa tuku bii la.

Jabuuroolu 130:3

Hee Yaawe, niŋ i ye ǹ na junuboolu safee, jumaa le be kana la i la kiitiyo ma?

Jabuuroolu 106:43

A ye ì kiisa le siiñaa jamaa, bari ì tuta balaŋo le la ì la tawunteeyaa kono. Ì bulata kasaaroo kono ì la junuboolu kamma la.

Jabuuroolu 25:7

Kana i miira tawunteeyaa junuboolu la, ŋa mennu ke n na fondinkeeyaa waatoo kono. Hee Yaawe, i miira n na i la kanu bambaloo kamma la, aniŋ i la beteyaa.

1 Mansoolu 17:18

Musoo ñiŋ ko Eliya ye ko, “Alla la moo, n na muŋ kuu le be i kono? Fo i naata le ka n na junuboolu waañaari aniŋ ka a tinna n dinkewo ye faa baŋ?”

5 Musa 28:43

Tumarankewolu mennu be sabatiriŋ ali fee, wolu le be ñaatotaa soto la ali ti. Ì la kuwo be sele-sele laalaa la le, alitolu taa ye jii-jii laalaa.

2 Musa 32:34

Saayiŋ, i si taa i ye moolu ñaatonkayaa, ka taa dulaa to, ŋa daameŋ fo i ye nuŋ. N na malaayikoo le be ali ñaatonkayaa la. Bari waatoo be naa la le, m be ñiŋ moolu yankankati la ì la junube kuwo la meŋ na.”

1 Musa 15:16

I koomalankoolu jamaani naaninjaŋo, wolu le be muru la naŋ jaŋ. Kaatu n te Amorinkoolu bayi la jaŋ fo janniŋ ì la kuu kuruŋ kewo be futa la a daŋo ma.”