Jabuuroolu 79:7 - Mandinka Bible

⁷ Kaatu ì ye Yaakuba koomoo kasaara le, ì ye ǹ na bankoo tumbuŋ.

Jabuuroolu 79:7 ပူးပေါင်းရင်းမြစ်များ

Jakariya 1:15

M be kamfaariŋ bankoolu kamma le kendeke, mennu be siikuuriŋ tankoo kono. Kaatu ŋa ì taa le ka n na moolu jarabi n na kamfaa kaŋ, bari itolu ye ì mantoora jawuke le fo a tambita.

Yeremiya 50:7

Moo-wo-moo ye ì je, a ka i baluu ì la le, ì jawoolu ka a fo le ko, ‘Ntolu maŋ kasi ke, kaatu ì ye junuboo le ke Yaawe la, ì taradulaa tooñaa be meŋ fee, Yaawe, ì la alifaa foloolu jikoo.’

Jabuuroolu 80:13

Wulakono seewoolu ka kirimbaasi a kaŋ ne ka a kuura, wulakono daafeŋolu ka i baluu a la.

2 Taarika 36:21

Bituŋ Yaawe ye meŋ bankee ka bo niŋ Yeremiya la timmata ko, bankoo ñiŋ be tara la foñondiŋo la le, a senebaloo fo sanji taŋ woorowula, ka loobula saŋolu jooseyi, ì maŋ mennu bula nuŋ.

Yesaya 9:12

Aramunkoolu mennu bota tilibo maafaŋo la, Filisitinkoolu mennu bota tilijii maafaŋo la, ì ye Banisirayila tiñaa le ka a kasaara. Ñiŋ bee koolaa, Yaawe la kamfaa maŋ jii, a buloo be teekariŋ ne ka ì mantoora.

Yesaya 64:9

Hee Yaawe, kana kamfaa fo a ye landatambi, ka ǹ na junuboolu tu i kono fo abadaa! Ŋà i daani, ǹ na kuwo hakilitu, kaatu ntolu bee mu i la moolu le ti.