Jabuuroolu 79:6 - Mandinka Bible

⁶ I la kamfaa jindi sii koteŋolu kaŋ mennu maŋ soŋ i ma, mansamarali bankoolu mennu buka i too kumandi.

Jabuuroolu 79:6 ပူးပေါင်းရင်းမြစ်များ

Yeremiya 10:25

I la kamfaa jindi banku koteŋ moolu kaŋ, mennu maŋ i loŋ, siyolu kaŋ, mennu buka i batu, kaatu ì ye Yaakuba koomoo kasaara le, ì ye a kasaara le ka a baŋ fereŋ, ì ye ǹ na bankoo tumbuŋ.

2 Tesalonikankoolu 1:8

Ì be naa la dimbaa mala baa kataŋo kono ka moolu joo yankankatoo la, mennu maŋ Alla loŋ, aniŋ ì maŋ m̀ Maarii Yeesu la kibaari betoo muta.

Jabuuroolu 14:4

Fo moo jawoolu maŋ fahaamuroo ke baŋ? Ì ka i baluu n na moolu suboo le la, aduŋ ì buka Yaawe daani.

Jabuuroolu 69:24

I la kamfaa jindi ì kaŋ, i ye ì ñankoŋ i la jusukandoo la.

Jabuuroolu 53:4

Fo moo jawoolu maŋ fahaamuroo ke baŋ? Ì ka i baluu n na moolu suboo le la, aduŋ ì buka Alla daani.

Roomankoolu 1:28

Baawo ì tawuta le, ì ye ì ñaa kaasi Alla la, Alla ye ì tu ì la sondome kuu nooriŋolu kono, fo ì ka kuwolu ke, ì maŋ ñaŋ na mennu ke la.

Kiilaalu 17:23

Kaatu biriŋ m be tambi kaŋ ali la saatewo kono, ŋa ali la batufeŋolu koroosi le. Ŋa sadaabodulaa* fanaa je le, meŋ ye ñiŋ kumakaŋolu soto a bala ko, ‘Alla ye, meŋ maŋ loŋ.’ Ali ka meŋ batu, hani ali maŋ a loŋ, nte be a la kuwo fo la ali ye le.

Yohana 16:3

Ì be ñiŋ kuwolu ke la ali la le, kaatu ì maŋ m Faamaa loŋ, sako nte.

Sefaniya 3:8

Wo kamma la, Yaawe ye ñiŋ ne fo, a ko: “Ali i lamoyi m ma, fo janniŋ luŋo meŋ m faŋo be wuli la ka ke bankoolu la kuwolu tuumilaa ti. M pareeta le ka bankoolu bendi ñoo kaŋ, ka mansamarali bankoolu kafu ñoo ma, ŋa n na jaraboo jiyo jindi naŋ ì kaŋ, n na kamfaa baa. Duniyaa bee ye kasaara, n na kamfaa dimbaa la.”

Yeremiya 25:29

A juubee, ŋa a dati le ka kasaaroo boyi saatewo kaŋ n too be meŋ kunna, wo to alitolu si kana noo n na kuluuroo ma ñaadii le? Ali te taa, m maŋ ali kuluu, kaatu n ka naa keloo le naati duniyaa moolu bee kaŋ ka bo niŋ hawusaroo la.” Yaawe Alihawaa Maariyo le ye a fo.

Yesaya 42:25

Wo le ye a tinna a ye a la kamfaa jindi ì kaŋ kendeke, ka koleyaa taki keloo kono. A la kamfaa jawuyaata le ko dimbaa, bari hani wo, ì maŋ a fahaamu, a ye ì jani le, bari ì maŋ a muta feŋ ti.

Jabuuroolu 145:18

Yaawe be sutiyaariŋ moolu la le mennu ka a kumandi, mennu ka a kumandi sondome seneyaa kono.

1 Korintinkoolu 1:2

be Alla la kafoo moolu kontoŋ na, mennu be Korinti saatewo kono. M̀ be ali kontoŋ na, Alla ye mennu seneyandi ka bo niŋ Kiristu Yeesu la, a ye ali kumandi ka ke moo senuŋolu ti fo a si ali kafu moolu ma, mennu ka m̀ Maarii Yeesu Kiristu too kumandi daa-wo-daa baturoo kono ko ǹ ka a kumandi ñaameŋ.

Yohana 17:25

“M Faamaa Tilindiŋo, duniyaa maŋ i loŋ, bari nte ye i loŋ ne. Aduŋ ñiŋ moolu ye a loŋ ne ko, ite le ye n kii.