Jabuuroolu 79:4 - Mandinka Bible

⁴ Ǹ keta ǹ dandanna banku moolu ye jutunna moolu le ti, ì ka ǹ ñaawali ka jele ǹ na.

Jabuuroolu 79:4 ပူးပေါင်းရင်းမြစ်များ

1 Mansoolu 9:7

wo to m be Banisirayilankoolu buruka la bankoo kaŋ ne ŋa meŋ dii ì la, aduŋ m be n koo dii la ñiŋ buŋo la le, ŋa meŋ seneyandi n too ye. Bituŋ Banisirayilankoolu si ke jelefeŋo niŋ jutunna moolu ti moolu bee kono.

Nehemiya 1:3

Ì ye n jaabi ko, “Moolu mennu tuta baluwo to kumandaŋ mara bankoo kaŋ jee, mennu seyita ka bo mutoo kono, be koleyaa baa le kono, aniŋ maloo. Yerusalaamu tata sansaŋo boyita le, aduŋ a dundaŋ daalu janita le.”

Nehemiya 2:19

Kabiriŋ Samballati Horoninkoo, Tobiya Ammoninkoo meŋ ka dookuwo ke mansakundaa ye, aniŋ Kesemu Araaboo ye ñiŋ moyi, ì jututa ǹ na le, ka ǹ tooñee. Ì ko ǹ ye ko, “Ali ka muŋ ne ke teŋ? Ali ka balaŋo tiliŋ mansa le la baŋ?”

Jabuuroolu 80:6

I ye ǹ ke ǹ dandanna banku moolu ye fuufuutaa le ti, ǹ jawoolu ka jele ǹ na.

Jabuuroolu 89:41

Moolu mennu bee ka tambi, ì ka a la feŋolu ñapinkaŋ ne. A dandanna moolu ye a ke jelefeŋo le ti.

Yesaya 43:28

Wo to, m fanaa be ali la Batudulaa ñaatonkoolu dooyaa la le, ŋa Yaakuba ke kasaara feŋo ti, Banisirayila ye ke jelefeŋo ti.”

Yeremiya 24:9

M be kasaaroo laa la ì kaŋ ne fo ì ye ke duniyaa mansamarali bankoolu bee ye silaŋo ti. Ì be ke la jutunna moolu le ti, ì ye ke moolu daa mansaali kumoo ti, ì ye ke jelefeŋolu ti, aniŋ ka ke moo dankariŋolu ti dulaalu bee to, ŋa ì bayi ka taa daamennu to.

Yeremiya 25:18

Yerusalaamu aniŋ Yahuuda saatewolu bee, ka taa a mansoolu niŋ maralilaalu, ka ì ke tumbuŋolu ti, aniŋ ka ì kenseŋyandi. Ì keta ciiputaa ti, aniŋ dulaa dankariŋo, ko a be ñaameŋ bii.

Yeremiya 42:18

“Yaawe Alihawaa Maariyo, Banisirayila la Alla le ye ñiŋ fo ko: ‘N na kamfaa niŋ n na jusukandoo kupita Yerusalaamu moolu kaŋ ñaameŋ, m be a kupi la ali fanaa kaŋ wo le ñaama, niŋ ali taata Misira. Ali be ke la moolu ye danka moolu le ti, ali la kuwo ye ke kijabo kuwo ti, ka ke jutunna moo ti, aniŋ jelefeŋo, aduŋ ali ñaa te loo la ali la bankoo kaŋ kotenke.’

Yeremiya 51:51

“Ali ka a fo le ko, ‘M̀ bulata malu kuwo kono le, ŋà nendiroolu moyi, jutunnayaa feeneeta ǹ kaŋ, kaatu bantala moolu le ye i seyiŋ Yaawe Batudulaa Buŋo kono, ka duŋ a konoto senuŋolu kono.’

Niikuyaa Suukuwolu 1:11

Labaŋo, Yerusalaamu la moolu bee ka yaayi domori ñiniŋo la, ì be woosii kaŋ. Ì ka ì la sotofeŋ kummaalu faliŋ domoroo la, n danko ka baluu. Yerusalaamu kumboota, “Hee Yaawe, n juubee, i ye n na bataa daa je.”

Niikuyaa Suukuwolu 5:1

Hee Yaawe*, i hakiloo ye bula meŋ laata ǹ kaŋ, ǹ na malu daa juubee.

Esekiyeli 22:5

Moolu mennu bee sutiyaata i la, aniŋ mennu jamfata i la, bee be i ñaawali la le, aduŋ bankoolu bee be i horomantaŋyaa la le, kayiroo niŋ tenkuŋo te tara la i kono.

Esekiyeli 35:12

Wo to le ali be a loŋ na ko, nte Yaawe ye tooñeeri kumoolu moyi le, ali ye mennu fo Banisirayila konkoolu ma, ka a fo ko, ‘Ì kenseŋo le tuta jee, ì ye ì duŋ m̀ bulu le, ali ŋà ì kasaara.’

Esekiyeli 36:15

A ko: “Nte te soŋ na ali ye bantala bankoolu la nendiri kumoolu moyi kotenke, aniŋ ka tara jutunnayaa kono kotenke, aduŋ ali te a tinna la, ali la banku moolu ye boyi kotenke.” Maarii Yaawe le ye a fo.

Esekiyeli 36:3

Wo kamma la, kiilaariyaa kumoo fo Banisirayila konkoolu ye, nte Yaawe Alla ye ñiŋ ne fo ko: Ali jawoolu le ye ali kenseŋyandi, aniŋ ì ye ali dete karoo bee la, fo ali naata ke wo bantala banku* toomaalu taa ti. Wo kamma la, ali naata ke wo moolu ye teelindirilaŋo niŋ koomakumarilaŋo ti.

Daniyeli 9:16

Maariyo, i ye kuu tilindiŋolu mennu taamandi nuŋ ka i la moolu tankandi, wo kuwolu juubee, i ye sabari i la kamfaa niŋ i la diminnaa la, i la saatewo, Yerusalaamu kamma, meŋ be looriŋ i la konko senuŋo* kaŋ. Ǹ na junuboolu niŋ m̀ mumuñolu la junuboolu ye a tinna le ǹ dandanna bankoo moolu ye Yerusalaamu ke jelefeŋo ti, aniŋ i la moolu.

Sefaniya 3:18

Yaawe ye ñiŋ ne fo ko: “Ali la moolu mennu tarata niikuyaa kono, ì buka maabee noo diina juuraloolu to, m be ì murundi la naŋ ali kaŋ ne. Malu kuwo te laa la ì kaŋ kotenke.

Jakariya 8:13

Ite Yahuuda niŋ Banisirayila, ì ka ali ke nuŋ danka moolu misaaloo le ti bankoolu kaŋ taariŋ, bari m be ali kiisa la le, ali ye ke neema moolu ti. Ali kana sila, ali ali tewolu siti.

5 Musa 28:37

A be ke la jee moolu ye masilaŋ kuwo le ti, niŋ ì ye a je meŋ be laariŋ ali kaŋ. Ali si naa ke ì ye jelefeŋo niŋ jutunna moolu ti bankoolu kaŋ, Yaawe be ali bayi la daamennu to.