Jabuuroolu 79:12 - Mandinka Bible

¹² Maariyo, dandanna banku moolu kiliŋ-wo-kiliŋ joo siiñaa woorowula, jutunnayaa kuwolu la, ì ye mennu tiliŋ i la.

Jabuuroolu 79:12 ပူးပေါင်းရင်းမြစ်များ

Yeremiya 32:18

Ite ka kanu bambaloo yitandi moo wuliwuloolu la le, bari i ka alifaalu la boyidaalu juloo joo ì diŋolu to le. Kooni! Alla sembemaa, Alla meŋ warata, ite le too mu Yaawe Alihawaa Maariyo ti!

1 Musa 4:15

Wo to le Yaawe ko a ye ko, “Niŋ moo-wo-moo ye i faa, i la juloo be joo la a maarii to le siiñaa woorowula.” Yaawe ye taamanseeroo ke Kaabiila bala, i si a je, niŋ moo-wo-moo niŋ a benta, a te a faa la.

3 Musa 26:28

wo to nte fanaa la kamfaa baa kaŋ, m be wo ñoŋ ne taamandi la ali kaŋ ko siiñaa woorowula, ali la junuboolu kamma la.

3 Musa 26:21

Niŋ ali ye balaŋo taamandi n kaŋ, aduŋ ali maŋ soŋ ka i lamoyi n na, m be jarabi kuwolu lafaa la ali ye le ko siiñaa woorowula, ali la junuboolu kamma la.

Luka 6:38

Ali diiroo ke, aduŋ jamaa si dii ali la. Sumandiriñaa betoo, ì ye meŋ ñaji, ì ye a jiijaa, a ye boŋ ì kaŋ, wo le be ke la ali taa ti. Kaatu ali ye sumandaŋo meŋ dii, wo le be dii la ali la.”

Kuma Kotoomaalu 6:31

Niŋ ì ye a muta, a si a joo ko siiñaa woorowula, hani a ye a tara a be foo la a la bunkono jooraŋolu bee la.

Jabuuroolu 44:16

feŋ te fo ñaawaliroo niŋ nendiroo, n ka meŋ moyi n jawoolu niŋ n konnantewolu la.

Jabuuroolu 74:10

Hee Alla, janniŋ muŋ tuma le ǹ jawoolu be tara la i ñaawali la? Fo ì be tu la i neŋ na le baŋ fo fawu?

Jabuuroolu 89:52

Tenturoo be Yaawe ye fo abadaa. Amiin! Amiin!

Esekiyeli 35:12

Wo to le ali be a loŋ na ko, nte Yaawe ye tooñeeri kumoolu moyi le, ali ye mennu fo Banisirayila konkoolu ma, ka a fo ko, ‘Ì kenseŋo le tuta jee, ì ye ì duŋ m̀ bulu le, ali ŋà ì kasaara.’

Esekiyeli 36:7

Wo kamma la, ŋa m bulubaa buloo wulindi ŋa n kali ko, wo bankoolu mennu be ali dandaŋolu la, ì fanaa be bula la wo mantoora siifaa kiliŋo le kono.” Maarii Yaawe le ye a fo.