Jabuuroolu 78:5 - Mandinka Bible

⁵ Alla ye luwaalu le dii Yaakuba koomalankoolu la, a ye yaamaroolu le dii Banisirayilankoolu la. A ye m̀ mumuñolu yaamari le ka ì diŋolu karandi wolu la,

Jabuuroolu 78:5 ပူးပေါင်းရင်းမြစ်များ

5 Musa 6:7

Ali si ali diŋolu karandi ì la kendeke. Ali ì ke kacaaraŋo ti ali la suwolu kono aniŋ banta. Ali si ì karandi ì la, niŋ ali wulita laaraŋo kaŋ, aniŋ niŋ ali be taa i laa la.

Efesusinkoolu 6:4

Faalu, ali kana ali la dindiŋolu kamfandi, bari ali ì kuluu niŋ Maariyo la kuluuroo la, aniŋ a la yaamaroolu.

Jabuuroolu 81:5

Alla ye Yusufa koomalankoolu yaamari wo le la, kabiriŋ a ye Misira bankoo moolu kele. Wo waatoo la, ŋà diyaamukaŋo moyi le, bari foloo m̀ maŋ a loŋ.

5 Musa 4:45

Yaawe la luwaalu, yaamaroolu niŋ saratoolu fele, Musa ye mennu seyinkaŋ saata Banisirayilankoolu ye, biriŋ ì be taamasiloo kaŋ ka bo naŋ Misira.

Yesaya 38:19

Baluuriŋolu mennu be baluuriŋ, ì ka i jayi le ko ŋa a ke ñaameŋ bii, faalu ka i la tiliŋo seyinkaŋ ì diŋolu ye le.

Yesaya 8:20

Ali Alla la luwaalu aniŋ a la yaamaroolu muta! Mennu maŋ ì muta, ì be tu la diboo le kono.

5 Musa 11:19

Ali si ali diŋolu karandi ì la. Ali ye ì ke kacaaraŋo ti, niŋ ali be suwolu kono waraŋ banta. Ali si ì karandi ì la, niŋ ali wulita laaraŋo kaŋ, aniŋ niŋ ali be taa i laa la.

1 Musa 18:19

Nte Yaawe le ye a tomboŋ, fo a si a diŋolu niŋ a koomalankoolu yaamari, ka tara n na siloo kaŋ, aniŋ ka tiliŋo niŋ tooñaa taamandi. Niŋ ì ye a ke, ŋa a laahidi meŋ na, m be a bee le ke la.”

Roomankoolu 3:2

Tooñaa, Yahuudiyaa ye nafaa soto karoo bee le la. Foloo-foloo, Alla ye a la kumoolu karafa itolu le ma.

Jabuuroolu 147:19

A ye a la kumoolu dii Yaakuba koomoo la le, meŋ mu Banisirayila ti, a ye a la yaamaroolu niŋ luwaalu dii ì la le.

Jabuuroolu 19:7

Yaawe* la yaamaroo timmata le, a ka niyo bambandi kuu le. Yaawe la karandiroo koyita le, a ka kunimbaloo ñaamendi le.

2 Musa 40:3

I si Kambeŋ Kunewo* londi a kono, i ye ridoo ke a ñaato, ka a maabo.

2 Musa 25:21

I si seedeyaa walaa fuloo, m be mennu dii la i la, ke Kambeŋ Kunewo* kono, i ye a bitindaŋo ke santo.

Jabuuroolu 119:152

Waati jaŋ koomanto, ŋa a karaŋ i la yaamaroolu to le ko, i ye ì londi le ka tu keriŋ fo abadaa. Res

2 Musa 25:16

Bituŋ m be seedeyaa walaa fuloo mennu dii la i la, i si ì ke kunewo kono.

2 Musa 40:20

Bituŋ a ye seedeyaa walaa fuloo sika, a ye ì ke Kambeŋ Kunewo kono. A ye a sambaraŋ dokoolu ke kunewo bularaŋolu kono, a ye a bitindaŋo biti a kaŋ.

2 Musa 12:27

ali a fo ì ye ko, ‘Yaawe Tambi Tumoo sadaa* le mu Yaawe ye, meŋ tambita Banisirayilankoolu la buŋolu la, mennu be Misira. A ye ǹ na koridaalu tankandi le, kabiriŋ a ka Misirankoolu faa.’ ” Bituŋ moolu sujudita, ì duwaata.

5 Musa 31:13

Niŋ ali ka ñiŋ luwaa kumoolu seyinkaŋ karaŋ, ali koomalankoolu mennu maŋ ì loŋ si ì moyi, ì ye Yaawe ñaasilaŋo soto ì baluu tiloo bee la bankoo kaŋ, ali be sabati la daameŋ Yoridani Boloŋo kara doo la.

5 Musa 32:46

a ko ì ye ko, “Ali ali hakiloo tu ñiŋ kumoolu bee to, ŋa mennu dii ali la bii, fo ali si ali diŋolu yaamari ì la. Ali ì karandi ì la, fo ì si ì hakiloo tu ka baara ñiŋ luwaa kumoolu bee la.