Jabuuroolu 78:21 - Mandinka Bible

²¹ Alla ye ì moyi tuma meŋ na, a kamfaabaata le. A ye dimbaa jindi Yaakuba koomalankoolu kaŋ, a la kamfaa lafaakuuta Banisirayilankoolu kamma,

Jabuuroolu 78:21 ပူးပေါင်းရင်းမြစ်များ

Yuuda 1:5

Saayiŋ, n lafita le ka ali hakiloo bulandi kuwo la, ali ye meŋ loŋ fokabaŋ ko, Maariyo ye a la moolu kanandi Misira bankoo kaŋ ne nuŋ, wo koolaa a naata moolu kasaara ì kono, mennu maŋ tu foroyaariŋ a ma.

1 Korintinkoolu 10:11

Ñiŋ kuwolu keta itolu la le ka ke dandalaaroo ti, bari ì safeeta le ka ke ǹ ye yaamaroo ti, duniyaa labaŋo la waatoo be looriŋ mennu kaŋ.

Hiburunkoolu 12:29

kaatu ǹ na Alla ka muluŋ ne ko dimbaa, meŋ ka kasaaraloo ke.

1 Korintinkoolu 10:5

Bari hani wo, Alla maŋ jusulaa itolu jamaa la kuwo to. Wo le ye a tinna ì kasaarata keñewuloo* kono.

Jabuuroolu 78:31

Alla kamfaabaata Banisirayilankoolu kamma le, a ye ì la kee bambandiŋolu faa, mennu be fondinkeeyaa daa to.

5 Musa 32:22

N na kamfaa be mala la naŋ ne ko dimbaa, ka duniyaa jani fo fureeduu to, ka duniyaa niŋ a fiifeŋolu bee domo, ka taa wo la fo konkoolu fondamaŋolu to.

4 Musa 11:10

Musa ye moolu bee le woosiikaŋo moyi, dimbaayaa-wo-dimbaayaa, ì be looriŋ ì la tiriliisoolu* daa to. Yaawe naata kamfaa ì kamma baake, aduŋ a maŋ diyaa Musa fanaa ye.

Yesaya 63:10

Hani wo ì balanta le, a la Noora Kuliŋo naata sunu ì la kuwo la. Wo to le Alla fanaa yelemata, a naata ke ì jawoo ti, a faŋo ye ì kele.