Jabuuroolu 77:8 - Mandinka Bible

⁸ Fo a ye i foño le ka a la kanu bambaloo yitandi ǹ na fo fawu? Fo a te a la laahidoolu timmandi la ǹ ye kotenke?

Jabuuroolu 77:8 ပူးပေါင်းရင်းမြစ်များ

2 Pita 3:9

A maŋ ke ko, Maariyo naafata a la laahidoo timmandoo la le, ko moo doolu ka a miira ñaameŋ. Wo noo to, a ka muña alitolu ye le, kaatu a maŋ lafi, moo-wo-moo le ye kasaara, bari moolu bee ye tuubi ka ì koo dii ì la junuboolu la.

Roomankoolu 9:6

A maŋ ke ko, Alla la kumoo maŋ timma, bari ali si a je ko, moolu mennu bonsuŋo mu Isirayila ti, ì bee maŋ ke Banisirayilanka tooñaalu ti.

4 Musa 23:19

Alla maŋ ke hadamadiŋo ti, sako a si faniyaa fo. A maŋ ke hadamadiŋ ti, a buka a la miiroolu faliŋ. Fo Alla si kuma fo baŋ, a maŋ a ke? Fo a si laahidoo dii baŋ, a maŋ a timmandi?

4 Musa 14:34

Ali be tara la ali la junube kuwo bataa le kono fo sanji taŋ naani. Ali ye tili taŋ naanoo meŋ ke bankoo kulloo kisikisoo la, a tili kiliŋ-wo-kiliŋ be ke la sanji kiliŋ ne ti. N na tarabaliyaa ali fee, ali be a dimiŋo loŋ na ñiŋ siloo le la.’

Yeremiya 15:18

Muŋ ne ye n na diminnaa ke kuu bambaloo ti, n na baramoo tuta jaarabali, a maŋ soŋ kendeyaa la? Fo ite be ke la nte fee le ko woyoo meŋ ka moolu neenee, komeŋ jiyo meŋ ka bo moolu koto?

Yesaya 27:11

Niŋ ì yiribuloolu jaata, ì ka kati le ka joloŋ, musoolu ka ì ke loo ti. Tooñaa-tooñaa, ñinnu mu saatee moolu le ti, mennu maŋ fahaamuru soto. Wo le ye a tinna ì Daamansoo maŋ balafaa soto ì ye, ì Daalaa maŋ maakoyiri dii ì la.

2 Samuweli 14:14

Ntolu bee ñanta faa la le. Ntolu ka munta le ko jiyo, meŋ bonta bankoo to, meŋ te kafu noo la ñoo ma kotenke. Bari Alla te niyo bo la, a be feeroolu le miira la, i si a je, moo meŋ be luwaa la mutoo kono, si muruŋ a la karoo la kotenke.

Jabuuroolu 13:2

Janniŋ muŋ tuma le m be tu la muñariŋ niikuyaa kono, n jusoo ye tara faariŋ sunoo la suutoo niŋ tiloo? Janniŋ muŋ tuma le n jawoolu be tara la i kutu la n na?

Jabuuroolu 74:1

Hee Alla, muŋ ne ye a tinna i ye i koo dii ntolu la fo fawu? Muŋ ne ye a tinna i jusoo kandita i faŋo la saajii koorewo kamma, i mu mennu kantalaa ti?

Jabuuroolu 85:6

Fo i te ǹ na baluwo kutayandi la kotenke, fo ntolu, i la moolu, si seewoo i la keroolu la?