Jabuuroolu 76:8 - Mandinka Bible

⁸ I ye i la kiitindiroo taamandi le ka bo naŋ Arijana kono, duniyaa moolu bee le silata fo deyoo keta yem,

Jabuuroolu 76:8 ပူးပေါင်းရင်းမြစ်များ

2 Mansoolu 22:13

“Ali taa Yaawe ñininkaa n ye, moolu ye, aniŋ Yahuuda bee, ñiŋ kitaaboo kumoolu la kuwo to, meŋ jeta teŋ. Kaatu Yaawe la kamfaa warata ǹ kamma le, kaatu m̀ mumuñolu maŋ kitaaboo ñiŋ kumoolu muta, mennu bee safeeta a kono ǹ na kuwo to.”

1 Taarika 16:25

Yaawe warata le, aduŋ a ñanta tentu la le famfaŋ, ate le ñaasilaŋo ñanta wara la alloolu bee ti.

1 Taarika 16:30

duniyaa moolu bee, ali jarajara a ñaatiliŋo la. A ye duniyaa londi le, a bambanta, a te wutu la a noo to.

Nehemiya 1:5

N kumata ko: “M Maarii Yaawe*, Arijana Maarii, Mansa Baa, Alla meŋ ñaasilaŋo warata, i ka kambeŋo niŋ kanu bambaloo muta moolu ye le, mennu ye i kanu, aduŋ ì ka i la yaamaroolu muta.

Yuuba 25:2

Kandaayaa niŋ silaŋo semboo, wo be Alla le bulu. Ate le ye kayiroo sabatindi a la Arijanoo kono santo.

Jabuuroolu 46:10

“Ali si tenkuŋ, ka a loŋ ko nte le mu Alla ti! N too be wara la bankoolu bee kaŋ ne. N too be wara la duniyaa bee kono le.”

2 Musa 19:10

Yaawe ko a ye ko, “Taa moolu yaa, i ye ì seneyandi bii niŋ saama bee baturoo kamma la. Ì ñanta ì la duŋ feŋolu kuu la le.

Yeremiya 10:10

Bari ite Yaawe le mu Alla tooñaa ti, ite le mu Alla baluuriŋo niŋ badaa-badaa Mansoo ti. I la kamfaa ka bankoo jarajarandi le, bankoolu buka i la jusukandoo dunoo taa noo.

Yeremiya 49:19

“Ko niŋ jatoo bota naŋ ñunkoo kono, Yoridani sutoo kono, ka naa boyinkaŋo la, Edomu beeyaŋ daañini dulaalu to, m be a moolu bayi la a bankoo kaŋ wo le ñaama, kataba kiliŋ. Ŋa moo-wo-moo tomboŋ, wo le be a mara la. Jumaa le niŋ nte si tembe noo, ka i loo m fee? Ñaatonka jumaa le si loo noo n ñaato?

Nahumu 1:6

A la kamfaa si kuŋ noo jumaa le to? Jumaa le si i loo noo a la jusuboo ye? A la kamfaa ka yelema naŋ ne ko dimbaa. Bere baalu ka juru ate ñaato le.

Habakuki 2:20

Bari Yaawe*, ate be a taradulaa senuŋo to le. Duniyaa moolu bee ye i deyi a ñaatiliŋo la.

Jakariya 2:13

Duniyaa moolu bee ye i deyi Yaawe ñaatiliŋo la, kaatu a wulita naŋ ne ka bo a taradulaa senuŋo to.

Kiitindirilaalu 5:20

Looloolu ye keloo ke ka bo santo, ì boritoo, ì ye Sisera kele.