Jabuuroolu 76:6 - Mandinka Bible

⁶ Kooni, biriŋ ite Yaakuba la Alla kumata ì ma, wo suuborindilaalu niŋ ì la suwoolu ye i laa le, ì sumaayaata dok.

Jabuuroolu 76:6 ပူးပေါင်းရင်းမြစ်များ

2 Samuweli 10:18

Bari ì borita Banisirayila kelediŋolu ñaato le, aduŋ Dawuda ye ì la sareeti borindilaalu moo keme woorowula le faa aniŋ ì la suuborindilaalu wuli taŋ naani. A ye ì la kelediŋ kuntiyo Sobahi fanaa barama, a faata jee.

2 Mansoolu 19:35

Wo suutoo faŋo la Yaawe la malaayikoo taata, a ye kee wuli keme, wuli taŋ seyi, aniŋ wuli luulu faa Asiriyankoolu la daakaa kono. Kabiriŋ fanoo keta, ì furewolu tarata laariŋ jee le.

2 Taarika 32:21

Bituŋ Yaawe ye a la malaayikoo kii naŋ, a ye kelejawara baalu, kelediŋ kuntiyolu aniŋ kelediŋolu bee faa Asiriya mansa la daakaa to. Bituŋ a niŋ maloo muruta a la bankoo kaŋ. Biriŋ a taata a la jalambuŋo to, a faŋo diŋ doolu ye a faa hawusaroo* la.

Jabuuroolu 104:7

I naata kuma jiyo ye, a borita. Biriŋ i bumbunta a kaŋ, a kidita ka taa.

Jabuuroolu 18:15

Fankaasoo duuma, wulumbaŋolu fintita jee, kabiriŋ ite Yaawe ye i jawoolu tindi niŋ i la niijii foñoo la. Duniyaa fondamaŋolu kenseŋyaata, i la dandalaaroo waatoo la.

Jabuuroolu 80:16

Jawoolu ye a kuntu duuma le, ì ye dimbaa duŋ a la. Allamaa i kamfaatoo ye ì juubee, i ye ì kasaara.

2 Musa 15:1

Bituŋ Musa niŋ Banisirayilankoolu ye ñiŋ suukuwo laa Yaawe* ye: “M be suukuwo laa la Yaawe ye le, kaatu a la semboo niŋ waroo yitandita le, a ye suwoolu niŋ ì borindilaalu bee fayi baa kono.

2 Musa 15:10

Bari Yaawe, i la niijii kiliŋo meŋ bota i bala, wo le ye Misirankoolu bee tundi baa kono. Ì tunenta le komeŋ beroo, baa diinoŋo kono.

2 Musa 15:21

Miriyaamu ka ñiŋ ne laa ì ye: “Ali suukuwo laa Yaawe ye, kaatu a la semboo niŋ waroo yitandita le, a ye suwoolu niŋ ì borindilaalu bee fayi baa kono.”

Yesaya 37:36

Wo to le Yaawe la malaayikoo taata, a ye kee wuli keme, wuli taŋ seyi, aniŋ wuli luulu faa Asiriyankoolu la daakaa kono. Kabiriŋ fanoo keta, ì furewolu tarata laariŋ jee le.

Yeremiya 51:39

Tuma meŋ ì be haburiŋ, m be bidaŋ domoroo le londi la ì ye, ŋa ì siirandi fo ì ye kontaani, ì ye naa tu siinoo la, ì te kuniŋ na kotenke.” Yaawe le ye a fo.

Yeremiya 51:57

M be a ñaatonkoolu niŋ a moo ñaamendiŋolu siirandi la le, a maralilaalu, wolu noomalankoolu, aniŋ a kelejawaroolu. M be ì tundi la siinoo le kono ì kana kuniŋ.” Mansoo le ye a fo, meŋ too mu Yaawe Alihawaa Maariyo ti.

Esekiyeli 39:20

Ì konoo be faa la suwoolu niŋ ì borindilaalu suboo le la, aniŋ kelejawaroolu niŋ kee kende siifaalu bee.” Maarii Yaawe le ye a fo.

Nahumu 1:6

A la kamfaa si kuŋ noo jumaa le to? Jumaa le si i loo noo a la jusuboo ye? A la kamfaa ka yelema naŋ ne ko dimbaa. Bere baalu ka juru ate ñaato le.

Nahumu 2:13

Yaawe Alihawaa Maariyo* ye ñiŋ kumakaŋo le fo Ninewe la kuwo to ko: “N niŋ i be janjuŋ na le! M be i la keleraŋ sareetoolu bee jani la le fo ì ye nunku lep. Hawusaroo le be i la kelediŋolu bee faa la. M be feŋolu bee buusi la ali la le, ali ye mennu ñapinkaŋ keloo kono. Wandi bankoolu nene te ali la kiilaa la kumakaŋo moyi la kotenke.”

Nahumu 3:18

Hee, Asiriya mansa, i la maralilaalu be jinkoo la, i la kee kendoolu be laariŋ, i la moolu be janjandiŋ konkoolu kaŋ, moo maŋ soto noo ka ì kafundi ñoo ma.

Jakariya 12:4

Yaawe ko, “Wo luŋo la, m be kijafaroo le duŋ na keleraŋ suwoolu bee la, ŋa ñaamaa duŋ ì borilaalu la. M be bankoolu bee la keleraŋ suwoolu finkindi la le, bari n ñaa be tara la Yahuuda moolu kaŋ ne.

1 Samuweli 26:12

Wo to le Dawuda ye dumboo taa aniŋ sooroo, meŋ be Sawulu kuŋo daala, ì taata. Moo le maŋ ì je, sako ka a kalamuta, aduŋ moo le fanaa maŋ kuniŋ. Ì bee be siinoo le la, kaatu Yaawe le ye a ke, fo siinoo be diyaariŋ ì bulu.