Jabuuroolu 76:2 - Mandinka Bible

² A ye Yerusalaamu le ke a taradulaa ti, Siyoni* Konkoo le mu a sabatidulaa ti.

Jabuuroolu 76:2 ပူးပေါင်းရင်းမြစ်များ

1 Musa 14:18

Mansakee Melikisedeki, Salaamu mansakewo, fanaa naata ka mbuuroo niŋ wayinoo* dii a la. Ate le mu Alla Mansa Tallaa la piriisoo* ti.

Yesaya 12:6

Siyoninkoolu*, ali sari santo, ali suukuwo laa seewoo kono, kaatu Banisirayila la Senuŋ Baa meŋ be sabatiriŋ ali kono, warata le.”

2 Taarika 6:6

Bari saayiŋ, ŋa Yerusalaamu tomboŋ ne, n too ye tara jee, aduŋ ŋa Dawuda le tomboŋ ka n na moolu Banisirayilankoolu mara.’ ”

Niikuyaa Suukuwolu 2:6

Juuraloolu niŋ Loobula Luŋolu, Yaawe* ye wolu ke ñina kuwo le ti Siyoni. A ye a Batudulaa janjaŋ ne ko naakikono jembereŋo, a ye a la juurali dulaa kasaara. A la jusukandoo kono, a ye a koo dii mansakewo la le, aniŋ piriisoolu.

Jabuuroolu 27:5

Kaatu mantooroo luŋo la, a be n sansaŋ na le. A be m maabo la a batudulaa suturariŋo le kono, aduŋ a be n londi la tankaraŋ bere baa le kaŋ.

Jabuuroolu 9:11

Ali suukuwo laa ka Yaawe jayi, meŋ na mansasiiraŋo be Siyoni*. Ali a seyinkaŋ duniyaa moolu ye a ye kuwolu mennu ke.

Jabuuroolu 48:2

Siyoni* Konkoo niŋ a la ñiiñaa, aniŋ a la jaŋayaa, a mu duniyaa banku moolu bee ye seewoo le ti. Siyoni Konkoo, konko senuŋo, mu Mansa Baa la saatewo le ti.