Jabuuroolu 75:1 - Mandinka Bible

¹ Hee Alla, m̀ be i tentu la, m̀ be i tentu la famfaŋ, kaatu i sutiyaata ǹ na le. Moolu ka i la kaawakuwolu seyinkaŋ ne.

Jabuuroolu 75:1 ပူးပေါင်းရင်းမြစ်များ

Jabuuroolu 145:18

Yaawe be sutiyaariŋ moolu la le mennu ka a kumandi, mennu ka a kumandi sondome seneyaa kono.

Jabuuroolu 138:2

M be sujudi la i la buŋ senuŋo ñaatiliŋo la le, m be i tentu la i too la le, i la kanu bambaloo niŋ i la tiliŋo kamma la. Kaatu i ye i too niŋ i la laahidoo le kuliyandi ka tambi feŋo bee la.

Yeremiya 10:6

Kooni Yaawe, doo koteŋ te jee meŋ be ko ite. Ite warata le, i too semboo warata.

Jabuuroolu 76:1

Yahuuda moolu ye Alla loŋ ne, a too warata Banisirayila kono le famfaŋ.

Jabuuroolu 57:1

Balafaa n ye, hee Alla, balafaa n ye, kaatu n niyo be karafariŋ ite le ma. M be i la tankoo koto le ko a dampammaa le ye m muuri, fo kasaaroo turubaadimaa ye tambi.

5 Musa 4:7

Banku te keriŋ banku baalu niŋ bankundiŋolu kono, meŋ na alla sutiyaata a la, waraŋ ka i danku a la tarinke ko Yaawe, ntolu la Alla.

2 Musa 23:21

Ali ali hakiloo tu a to, aduŋ ali si i lamoyi a la kumoo la. Ali kana balaŋ a bulu, a te yamfa la moo-wo-moo ye, niŋ ì balanta a ma, kaatu nte le, ŋa kaŋo dii a la.

Jabuuroolu 44:1

Kooni Alla, m̀ faŋolu tuloolu le ye a moyi, ǹ na alifaa foloolu ye a fo ǹ ye le, i ye kaawakuwolu mennu bee ke ì tiloo la, waati jaŋ koomanto.

Jabuuroolu 58:1

Fo tooñaa, alitolu maralilaalu, ali ka diyaamu tiliŋo le kaŋ baŋ? Fo ali ka hadamadiŋolu kiitindi niŋ tiliŋo le la baŋ?

Jabuuroolu 50:1

Sembetii Baa, Yaawe* Alla diyaamuta le, a ye duniyaa moolu bee kumandi ka bo tilibo ka taa tilijii.