Jabuuroolu 74:20 - Mandinka Bible

²⁰ I la kambeŋo la kuwo juubee. Bankoo dulaa dibiriŋolu bee be faariŋ fitinoo le la.

Jabuuroolu 74:20 ပူးပေါင်းရင်းမြစ်များ

Jabuuroolu 106:45

Ì la kuwo kamma la a ye i miira a la kambeŋo la le a niŋ ì teema, aduŋ a sabarita le, a la kanu bambaloo la waroo kamma la.

Hiburunkoolu 8:10

“M be kambeŋ kutoo meŋ siti la n niŋ Banisirayila teema, niŋ wo luŋolu tambita, a be ke la ñiŋ ne ti: M be n na yaamaroolu ke la ì hakiloolu kono le, ŋa ì safee ì sondomoolu bala. M be ke la ì la Alla le ti, aduŋ ì be ke la n na moolu le ti.” Maariyo le ye a fo.

Jabuuroolu 105:8

A ka tu a la kambeŋo mutariŋ ne fo abadaa. A ka a la laahidoolu muta le hani fo jamaani wuliwuloolu la.

Jabuuroolu 89:28

M be n na kanu bambaloo muta la a fee le fo abadaa, aduŋ ŋa kambeŋo meŋ siti n niŋ a teema, a be tu la bambandiŋ ne.

Jabuuroolu 89:39

I ye i la kambeŋo kuntu i niŋ i la dookuulaa teema le, aduŋ i ye a la mansanaafoo fayi buutoo kono ka a la dawuloo jindi.

Jabuuroolu 5:8

Yaawe, ite tilinta le, n kanda, n jawoolu la kuwo kamma la, i la siloo walaŋ n ye.

2 Samuweli 23:5

Fo n na dimbaayaa maŋ tiliŋ Alla fee baŋ, kaatu a niŋ ŋa kambeŋo le siti fo abadaa, jikoo meŋ te buruka la. A be maakoyiri baa le ke la n ye. N lafita meŋ-wo-meŋ na, fo Alla te m maakoyi la, a ye ke baŋ?

5 Musa 12:31

Ali maŋ ñaŋ na Yaawe ali la Alla batu la wo ñaama, kaatu wolu la alla batoo kono, ì ka kuu haraamuriŋolu bee le ke, Yaawe ye mennu koŋ. Itolu ka hani ì dinkewolu niŋ ì dimmusoolu jani dimbaa kono sadaa ti ì la alloolu ye le.

5 Musa 9:27

Kana ñiŋ moolu la kunjaa juubee, ì la kuruŋyaa aniŋ ì la junuboo. I hakiloo si bula Iburayima, Isiyaaka, aniŋ Yaakuba la, mennu keta i la dookuulaalu ti.

Yeremiya 14:21

I too la kuwo kamma la, kana m̀ muta jutunna moolu ti. Kana maloo naati ñiŋ dulaa kaŋ, daameŋ to mu i la mansasiiraŋ buuñaariŋo ti. I hakili murundi kambeŋo kaŋ i ye meŋ siti ǹ niŋ i teema, i kana a tiñaa.