Jabuuroolu 74:11 - Mandinka Bible

¹¹ Muŋ ne ye a tinna i ye i maakoyiri buloo bo ǹ koto? Dukaree Alla, i bulu sembemaa bula naŋ i ye ǹ jawoolu kasaara.

Jabuuroolu 74:11 ပူးပေါင်းရင်းမြစ်များ

Niikuyaa Suukuwolu 2:3

Biriŋ ì jawoolu naata ì kele, a ye a bulubaa buloo bo a la moolu koto. A la kamfaa saŋaroo kaŋ, a ye Banisirayila binoo bee kati. A la kamfaa malata Yaakuba kaŋ ne ko dimbaa wuleŋo, a ye feŋo bee kasaara taariŋ.

Yesaya 64:12

Hee Yaawe, ñiŋ bee koolaa, fo i be i faŋ muta la le baŋ? Fo i be tu la deyiriŋ ne, i ye m̀ mantoora fo a ye landatambi?

Jabuuroolu 44:23

Maariyo, dukaree wuli! Muŋ ne ye a tinna i be siinoo la? Wuli! Kana i koo dii ǹ na fo fawu.

1 Samuweli 4:3

Kabiriŋ kelediŋolu muruta daakaa to, Banisirayila la alifaalu ye ì ñininkaa, “Muŋ ne ye a tinna Yaawe* ye a ke, fo Filisitinkoolu ye ntolu noo bii? Ali ŋa Yaawe la Kambeŋ Kunewo* bondi naŋ Silo saatewo to, a niŋ ǹ si taa ñoo la, a ye ǹ kanandi ǹ jawoolu buloolu kono.”