Jabuuroolu 74:1 - Mandinka Bible

¹ Hee Alla, muŋ ne ye a tinna i ye i koo dii ntolu la fo fawu? Muŋ ne ye a tinna i jusoo kandita i faŋo la saajii koorewo kamma, i mu mennu kantalaa ti?

Jabuuroolu 74:1 ပူးပေါင်းရင်းမြစ်များ

2 Mansoolu 21:14

Moo toomaalu mennu be tu la a la moolu kono, a be a koo dii la ì la le, a ye ì duŋ ì jawoolu bulu. Ì be ke la ì jawoolu bee ye le komeŋ ñapinkaŋ feŋo, aniŋ fuufuuri feŋo.

Jabuuroolu 10:1

Hee Yaawe*, muŋ ne ye a tinna i jamfata ntolu la? Muŋ ne ye a tinna i maabota m̀ ma, waatoo meŋ m̀ be mantooroo kono?

Jabuuroolu 100:3

Ali soŋ ko Yaawe le mu Alla ti. Ate le ye ǹ daa, aduŋ a taa le mu ǹ ti. M̀ mu a la moolu le ti, a ka mennu topatoo komeŋ saajii koorewo.

Jabuuroolu 18:8

Siisiyo bota naŋ a nuŋo kono, dimbaa bota naŋ a daa kono, dimbaa keñemboo bota a bala.

Jabuuroolu 42:11

Muŋ ne ye nte jirandi teŋ, n niyo be fitiiriŋ n kono? N ñanta n jikoo loo la Alla le kaŋ, aduŋ m be a jayi la le kotenke, n na Alla, meŋ mu n na Kiisandirilaa ti.

Jabuuroolu 42:9

Ate Alla meŋ mu n na semberaŋ beroo ti, n ka a fo a ye le ko, “Muŋ ne ye a tinna i ñinata n na? Muŋ ne ye a tinna m be tu la teŋ, komeŋ m be saŋakumboo le la, n jawoolu la m mantooroo kamma la?”

Jabuuroolu 44:9

Bari saayiŋ i ye i koo dii ǹ na le, i ye m̀ malundi. I maŋ tambi ǹ na kelediŋ kafoolu ñaato keloo la kotenke.

Jabuuroolu 50:1

Sembetii Baa, Yaawe* Alla diyaamuta le, a ye duniyaa moolu bee kumandi ka bo tilibo ka taa tilijii.

Jabuuroolu 60:1

Hee Alla, i ye i bo ǹ to le, i ye ǹ na tankoo tiñaa. I tarata kamfaariŋ ǹ kamma le, bari saayiŋ m̀ murundi ǹ ñaama.

Jabuuroolu 60:10

Hee Alla, i ye i bo ǹ to le duŋ baŋ? Fo i te tara la ǹ na kelediŋolu fee keloo to kotenke?

Jabuuroolu 77:7

Fo Maariyo be tu la i kuntu la ǹ na le baŋ? Fo a te hiina la ǹ ye kotenke baŋ?

Jabuuroolu 77:8

Fo a ye i foño le ka a la kanu bambaloo yitandi ǹ na fo fawu? Fo a te a la laahidoolu timmandi la ǹ ye kotenke?

Jabuuroolu 78:1

N na moolu, ali i lamoyi n na karandiroo la, ali ye ali tuloo loo n daakumoolu la.

Jabuuroolu 79:13

Wo le to ntolu, i la saajii koorewo, ǹ si i tentu fo abadaa. Ǹ si tu i jayi la ka taa fo jamaani naalaalu la.

Jabuuroolu 79:5

Hee Yaawe*, janniŋ muŋ tuma le mu? Fo i be tu la kamfaariŋ m̀ fee le fo abadaa? Fo ǹ na kuwo diminnaa be tu la i kono le ko dimbaa?

Jabuuroolu 80:5

I ye ñaajiyo le ke ì ye domoroo ti, ì ka ñaajiyo miŋ ne komeŋ jiyo.

Jabuuroolu 85:6

Fo i te ǹ na baluwo kutayandi la kotenke, fo ntolu, i la moolu, si seewoo i la keroolu la?

Jabuuroolu 95:7

Kaatu ate le mu ǹ na Alla ti, ntolu mu a la moolu le ti, a ka mennu topatoo, a la saajii koorewolu, a ka mennu kanta. Ali i lamoyi a kaŋo la bii, meŋ ko,

2 Musa 32:11

Bari Musa ye Yaawe a la Alla daani ko, “Hee Yaawe, muŋ ne ye a tinna, i kamfaabaata i la moolu kamma, i ye mennu fintindi naŋ Misira bankoo kaŋ niŋ i bulu sembemaa baa la?

Yesaya 64:8

Bari Yaawe*, ite le mu m̀ Faamaa ti. Ǹ ka munta le ko potoo, aduŋ ite le mu boodaalaa ti, i buloolu le ye ntolu bee daa.

Yeremiya 23:1

Yaawe* ko: “Kooroo be maralilaalu ye le, mennu ka n na saajii koorewo janjandi ka a kasaara, aduŋ itolu le mu kantarilaalu ti ì kunna.”

Yeremiya 31:37

Yaawe ye ñiŋ ne fo ko: “Niŋ moo si saŋ fatoolu sumaŋ noo, aniŋ ka bankoo fondamaŋolu daŋo bondi noo, wo to nte fanaa si n koo dii noo Banisirayilankoolu bee la, ì kekuwolu kamma la.” Yaawe le ye a fo.

Niikuyaa Suukuwolu 5:22

Fo duŋ, i ye i koo dii ǹ na le fereŋ, fo i la kamfaa maŋ dandulaa soto baŋ?

Esekiyeli 34:31

A ko: “Alitolu le mu n na saajiyolu ti, saajiyolu mennu be n na daañini dulaa to, aduŋ nte le mu ali la Alla ti.” Maarii Yaawe le ye a fo.

Esekiyeli 34:8

A be koyiriŋ ñaameŋ ko nte be baluuriŋ ne, n na saajiyolu keta le ko ñapinkaŋ feŋolu aniŋ ì naata ke wulakono daafeŋolu bee ye domoroo ti, baawo kantarilaa te ì kunna. Kantarilaalu maŋ taa ka n na saajiyolu ñini. Ì ka ì faŋolu le konoolu fandi ì la doroŋ, bari ì maŋ n na saajiyolu hati.” Maarii Yaawe le ye a fo.

Luka 12:32

Kafundiŋo, ali kana sila! A mu ali Faamaa ye seewoo le ti ka a la mansabaayaa dii ali la.

5 Musa 29:20

Yaawe te yamfa la wo moo siifaa ye, a la kamfaa be mala la a kaŋ ne ko dimbaa. Dankoolu bee mennu be safeeriŋ ñiŋ kitaaboo kono be laa la a kaŋ ne, Yaawe si a too buruka ñiŋ duniyaa kono.