Jabuuroolu 73:26 - Mandinka Bible

²⁶ N jaatoo niŋ n sondomoo si kori noo, bari n sondomoo la bambaŋo be dendiŋ Alla le la. Ŋa ate doroŋ ne soto fo abadaa.

Jabuuroolu 73:26 ပူးပေါင်းရင်းမြစ်များ

Jabuuroolu 138:3

Tuma meŋ na ŋa i kumandi, i ye n jaabi le. I ye n niyo bambandi kuu le.

Jabuuroolu 18:2

Yaawe le mu n na semberaŋ bere baa ti, n na tankaraŋ tatoo, aniŋ m bondilaa. N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti, n na kiisandirilaa sembemaa baa, aniŋ n tuukuraŋo.

Jabuuroolu 84:2

Nte be meeyaariŋ ne, ka tara jee, ka tara Yaawe la luwolu to. Seewoo dunta n sondomoo niŋ m balajaatoo bee le la ka suukuwo laa Alla baluuriŋo ye.

Jabuuroolu 63:1

Hee Alla, ite le mu n na Alla ti, i la kuwo ye n loo le, i la kuwo ye m muta le ko mindoo, m balajaatoo bee le ye i la kuwo kaniŋ. A ka munta le ko ñiŋ banku jaaroo, jii te daameŋ to, fo bataa.

Jabuuroolu 142:5

Hee Yaawe, n kumboota i ye le ka m maakoyi. N ko ite le mu n na tankandirilaa ti. Ŋa ite le soto n na baluwo to.

Niikuyaa Suukuwolu 3:24

N niyo faŋo ko, “Yaawe, ŋa ite dammaa le soto, wo to m be n jikoo loo la i kaŋ ne.”

Jabuuroolu 27:14

I lamoyi Yaawe ma. I si bambaŋ, i ye fatiyaa, aduŋ i si i lamoyi Yaawe ma.

2 Pita 1:14

Ŋa a loŋ ne ko, a te mee la, nte be ñiŋ balajaatoo bula la, ko m̀ Maarii Yeesu Kiristu ye a yitandi n na ñaameŋ.

Filipinkoolu 1:21

Kiristu le mu nte ye baluwo ti, wo to saayaa mu nte ye tinewo le ti.

Jabuuroolu 119:57

Ite Yaawe le keta nte taa ti, ŋa laahidoo taa le ka i la kumoolu muta.

Jabuuroolu 40:12

Mantoora kuwolu be n ye karoo bee le la, n te ì yaatewo konti noo la. N na junuboolu tambita n kunna le, fo m buka n je noo. Ì siyaata n kuntiña kesoolu ti le, fo n jikilateyita.

Yuuba 13:15

Jiki te n na kuwo to, a be m faa la le, bari fo ŋa n na kuwo laa a ñaa koto.

Lankenemoo 21:7

Moo meŋ ye nooroo ke, a be ñiŋ kuwolu bee le soto la. Aduŋ nte be ke la a la Alla le ti, ate ye ke n diŋo ti.