Jabuuroolu 73:23 - Mandinka Bible

²³ Bari hani wo m be sabatiriŋ i fee le, aduŋ i ye m muta niŋ m bulubaa buloo le la.

Jabuuroolu 73:23 ပူးပေါင်းရင်းမြစ်များ

Yesaya 41:13

Kaatu nte le mu Yaawe ali la Alla ti, meŋ ye ali bulubaa buloo muta ka ali tanka. Ŋa a fo ali ye le ko, ‘Ali kana sila, m be ali maakoyi la le.’

Jabuuroolu 63:8

Ŋa n deŋ ite le la, aduŋ i buloo be n koto le ka n tanka.

Matiyu 28:20

Ali si ì karandi ka kumoolu bee muta, nte ye ali yaamari mennu la. Aduŋ nte be tara la ali fee le waati-wo-waati hani fo duniyaa dandulaa to.”

Hiburunkoolu 13:5

Ali si fata kodilandiyaa la ali la baluwo kono, ali ye wasa feŋo to, ali ye meŋ soto. Kaatu Alla la kumoo be safeeriŋ ne ko: “N nene te bo la i koto, sako n si i bula i faŋ ye.”

Jabuuroolu 16:8

N hakiloo ka tu ñiŋ kaŋ ne ko, Yaawe be m fee le waati-wo-waati. A ka tara n daala le, wo kamma la feŋ te m bondi la n noo to.

Jabuuroolu 23:4

Hani niŋ m be taama kaŋ wulumbaŋ dibiŋ baa kono, n te sila la kuu jawu la, kaatu i be m fee le. I la kantarilaŋ pudoŋo niŋ i la taamaraŋ dokoo, wolu le ka n jusulandi.

Matiyu 1:23

“A juubee, sunkutoo be konoo taa la, aduŋ a be dinkewo le wuluu la. Ì be a kumandi la Immanuweli le la, meŋ kotoo mu ‘Alla be ntolu fee le.’ ”

Jabuuroolu 37:24

Hani niŋ a takita, a te boyi la, kaatu Yaawe le ye a buloo muta.

Yesaya 42:1

Yaawe* ko: “N na dookuulaa fele, ŋa meŋ na kuwo bambandi. Ŋa ate le tomboŋ, aduŋ a la kuwo ye n seewoo le. M be n na Nooroo jindi la a kaŋ ne, aduŋ a be kiitii tilindiŋo naati la bankoolu kaŋ ne.

Yesaya 41:10

Wo to ali kana sila, kaatu m be ali fee le. Ali kana dewuŋ, kaatu nte le mu ali la Alla ti. M be ali bambandi la le, ka ali maakoyi. M be ali muta la niŋ m bulubaa bulu tilindiŋo le la, ka ali tanka.

Jabuuroolu 37:17

Kaatu Yaawe be moo jawoolu fankoo baŋ na le, bari a be moo tilindiŋolu kanta la le.

Jabuuroolu 139:18

N te ì yaatee noo la, kaatu ì be siyaa la bankumunkoo ti le. Niŋ n wulita, hani ka bii i be m fee le.

1 Musa 17:1

Kabiriŋ Iburama siyo be sanji taŋ kononto niŋ kononto, Yaawe* fintita a kaŋ, a ko a ye ko, “Nte le mu Alla ti, Alla Tallaa. N na siloo nooma, jalayiri te tara la i kaŋ.