Jabuuroolu 72:14 - Mandinka Bible

¹⁴ A ka ì bondi mantooroo niŋ fitinoo kono le, kaatu ka ì yeloo boŋ, wo mu a ñaa tanoo le ti.

Jabuuroolu 72:14 ပူးပေါင်းရင်းမြစ်များ

1 Musa 48:16

Aduŋ a la malaayikoo le ye n tanka kooroo kuwo bee ma. Allamaa Alla ye neema ke ñiŋ kambaanendiŋolu ye. Allamaa n too niŋ n na moo foloolu Iburayima niŋ Isiyaaka toolu ye tu keriŋ ka bo niŋ ñinnu la. Allamaa ì ke la jiidilaa ti, ì ye siyaa duniyaa kono.”

2 Samuweli 23:17

A ko, “Hee Yaawe, Allamaa n tanka la ka ñiŋ miŋ. Fo ñiŋ kewolu maŋ i niyolu le laa ka ñiŋ jiyo bii naŋ?” Bituŋ a maŋ soŋ a miŋ na. Ñinnu le mu ñiŋ kelejawara saboo la kee kendeyaa kuwolu ti.

2 Samuweli 4:9

Dawuda ye Rekabu niŋ a baadiŋo Baana Rimmoni Beerotinkoo dinkewolu jaabi ñiŋ ne la ko, “A be koyiriŋ ñaameŋ ko Yaawe be baluuriŋ ne, meŋ ye n tankandi kataalu bee ma,

Jabuuroolu 116:15

Yaawe kanuntewolu kummaayaata a fee le, ì la saayaa buka ke a ye kuundiŋ ti.

Jabuuroolu 130:8

Ate le be Banisirayila kiisandi la ka bo ì la junuboolu bee kono.

Jabuuroolu 25:22

Hee Alla, i la moolu, Banisirayilankoolu bondi ì la mantoora kuwolu bee kono.

Jabuuroolu 69:18

Kata n na, i ye m bondi, i ye m firiŋ n jawoolu bulu.

Titus 2:14

meŋ ye a faŋo dii ka ǹ kumakaa ka bo ǹ na junuboolu bee kono, fo a si ǹ seneyandi a faŋo ye ka ke moolu ti, mennu ka hame kuu bete kewo la.

Lankenemoo 17:6

Ŋa musoo ñiŋ je siirariŋ niŋ Alla la moo senuŋolu yeloo la, aniŋ wo moolu yeloo, mennu faata Yeesu la kuwo seedeyaa kamma la. Kabiriŋ ŋa a je, n jaakalita baake le,

Lankenemoo 19:2

A la kiitiyolu mu tooñaa niŋ tiliŋo le ti, a ye wo cakamusu baa kiitindi le, meŋ ye duniyaa kosondi a la laañooyaa tuluŋo la. A ye Alla la dookuulaalu mennu yeloo boŋ, Alla ye wolu la juloo joo a ñaama le.”

1 Samuweli 26:21

Wo to le Sawulu ko, “Ŋa junuboo le ke. N dinkewo Dawuda, muruŋ naŋ. Kaatu bii i ye n niyo tankandi le, n te kuu kuruŋo ke la i la kotenke. Tooñaa-tooñaa ŋa kuntaŋyaa maañaa le ke, aduŋ a keta m bulu kuu jawu baa le ti.”