Jabuuroolu 72:13 - Mandinka Bible

¹³ A bala ka faa moo koririŋolu niŋ fentaŋolu ye le, aduŋ a ka sotobaloolu niyo tankandi le.

Jabuuroolu 72:13 ပူးပေါင်းရင်းမြစ်များ

Esekiyeli 34:16

“M be wo saajii filiriŋolu ñini la le, aduŋ mennu janjanta, m be ì murundi la naŋ ne. M be ì la baramoolu siti la le aniŋ ka ì lamfuriŋolu maakoyi. Bari wo nunkumaalu niŋ bambandiŋolu, m be wolu kasaara la le, kaatu m be ì daañini la tiliŋo le kono, bayiri ì jarita meŋ na, i be wo le soto la.”

Matiyu 5:3

“Barakoo be moolu ye, mennu maŋ wasa Nooroo la, ì ye meŋ soto, kaatu ì taa le mu Arijana mansabaayaa ti.

Jabuuroolu 109:31

kaatu a ka loo sembentaŋolu la kuwo la le, ka ì kiisa kiitiikuntulaa jenkeriŋolu bulu mennu ka ì faa.

Matiyu 18:10

“Ali ali hakiloo tu, ali kana jutu ñiŋ domandiŋolu hani kiliŋ na. Ŋa a fo ali ye, ì la malaayikoolu ka tara m Faamaa ñaatiliŋo la le doroŋ, meŋ be Arijana.