Jabuuroolu 72:1 - Mandinka Bible

¹ Hee Alla, i la kiitiiteyoo yitandi mansa la, i ye i faŋo la tiliŋo duŋ mansariŋo to.

Jabuuroolu 72:1 ပူးပေါင်းရင်းမြစ်များ

Yesaya 11:2

Yaawe* la Nooroo be tara la a fee le, ñaameŋo niŋ fahaamuroo nooroo, yaamaroo niŋ semboo nooroo, londoo niŋ Yaawe ñaasilaŋo nooroo.

2 Taarika 1:10

Wo to ñaameŋo niŋ fahaamuroo dii n na, i la dookuulaa, ka i la moolu ñaatonkayaa, kaatu niŋ wo nte, jumaa le si i la ñiŋ moo jamaalu mara noo?”

1 Taarika 29:19

I si n dinkewo Sulemani maakoyi, ka i la yaamaroolu, i la kumoolu aniŋ i la luwaalu bee nooma, a sondomoo bee la, aduŋ a si Batudulaa loo, ŋa meŋ na kuwolu parendi teŋ.”

1 Mansoolu 1:39

Piriisi Sadoki ye tulu keraŋ binoo taa, a ye meŋ bondi naŋ Yaawe la Tiriliisi Senuŋo* kono, a ye tuloo boŋ Sulemani kuŋo to ka a toloo. Bituŋ ì ye binoo fee, aduŋ moolu bee sarita ka a fo ko, “Allamaa Mansa Sulemani mee la!”

Jabuuroolu 127:1

Niŋ Yaawe* maŋ buŋo meŋ ke lootaa ti, a loolaalu ka ì faŋ ne batandi kensenke. Niŋ Yaawe maŋ saatewo meŋ kanta, kantarilaalu ka i laa ì ñaa la kensenke le.

Yohana 3:34

Alla ye moo meŋ kii, wo ka Alla la kumoolu le fo, kaatu Alla ka a la Nooroo dii le, diiroo meŋ maŋ dandulaa soto.

2 Samuweli 23:3

Banisirayilankoolu la Alla diyaamuta, Banisirayila semberaŋ bere baa ko n ye le ko, “Niŋ moo ye moolu mara tiliŋo kono, niŋ a ye maraloo ke Alla ñaasilaŋo kono,

1 Mansoolu 3:9

Wo to fahaamuroo hakiloo dii i la dookuulaa la ka i la moolu mara, ka ñiŋ noo ka kuu betoo niŋ kuu jawoo bo ñoo to. Kaatu niŋ wo nte, jumaa le si i la ñiŋ moo baalu mara noo?”

1 Taarika 18:14

Dawuda ye Banisirayila bee mara tiliŋo kono, aduŋ a ye moolu bee kaañandi a la maraloo koto le.

1 Taarika 22:9

“ ‘Bari i be dinkewo wuluu la, a be ke la kayiramoo le ti. M be kayiroo sabatindi la a niŋ a jawoolu bee teema le, aduŋ a too be kumandi la Sulemani le la. M be kayiroo niŋ tenkuŋo sabatindi la Banisirayila kono le, a jamaanoo bee la.