Jabuuroolu 71:6 - Mandinka Bible

⁶ N jikita ite le la ka bo n wuluu waatoo la. Ka bo tuma meŋ m be m baa wuluuñaŋo kono, i ye n hati le. M be tu la i jayi la le.

Jabuuroolu 71:6 ပူးပေါင်းရင်းမြစ်များ

Yeremiya 1:5

“Yeremiya, ŋa i loŋ ne janniŋ m be i daa la i baa wuluuñaŋo kono. Janniŋ i be wuluu la, ŋa i kerekere le, ŋa i tomboŋ, ka ke n na annabiyomoo ti bankoolu kaŋ.”

Kalatiyankoolu 1:15

Bari Alla ye n tomboŋ ne, janniŋ n wuluu waatoo be sii la, aduŋ a ye n kumandi ka bo niŋ a la hiinoo la.

Yesaya 49:5

Yaawe ye n daa m baamaa wuluuñaŋo kono le, ka n ke a la dookuulaa ti, ka Yaakuba koomalankoolu ñaatonkayaa, fo ì si muru a kaŋ, aniŋ ka Banisirayilankoolu ñaa tilindi a la. Yaawe be m buuñaa la le, aduŋ n na semboo be bo la naŋ Alla le bulu.

Yesaya 49:1

Alitolu baadaa borindoo sabatilaalu, ali i lamoyi n na. Alitolu banku jamfariŋo moolu, ali ali tuloo loo. Janniŋ n ka wuluu, Yaawe* ye n tomboŋ ne, ka ke a la dookuulaa ti. Kabiriŋ m be m baamaa wuluuñaŋo kono, wo to le a ye n toolaa.

Jabuuroolu 34:1

M be tu la Yaawe* jayi la le doroŋ, n te n dahaa la a tentoo la.

Yeremiya 3:4

Fo i maŋ bo n kumandi la saayiŋ ne ko: ‘M Faamaa, ite ye nte kanu le biriŋ n dindiŋ’?

Kuma Kotoomaalu 8:17

Moolu mennu ye n kanu, m fanaa ŋa wolu le kanu, aduŋ mennu ka n ñini, ì be n je la le.

Jabuuroolu 71:14

Bari nte de, m be n jikoo tu la looriŋ i kaŋ ne, aduŋ m be jayiroo lafaa la i ye le.

Efesusinkoolu 5:20

Kuu-wo-kuu to, ali si tenturoo dii Alla la, m̀ Faamaa, m̀ Maarii Yeesu Kiristu too la.

Jabuuroolu 22:11

Kana jamfa n na, kaatu kataa sutiyaata n na le, aduŋ moo te jee meŋ si maakoyiroo dii.

Jabuuroolu 40:4

Seewoo be moo le ye meŋ jikita Yaawe la, meŋ buka jiki faŋ wara moolu la, waraŋ ka kafu moolu ma mennu ye feŋ kenseŋolu muta Alla ti.