Jabuuroolu 71:24 - Mandinka Bible

²⁴ I ye tiliŋo meŋ yitandi n na, m be tu la a seyinkaŋ na le, kaatu i ye moolu bulandi maloo niŋ jutunnayaa kono le, mennu ye a kata ka m mantoora.

Jabuuroolu 71:24 ပူးပေါင်းရင်းမြစ်များ

Jabuuroolu 71:13

Allamaa n niyo toorandilaalu ye bula maloo kono, ì ye kasaara. Allamaa mennu ka a kata ka m mantoora, ì ye bula maloo niŋ jutunnayaa kono.

1 Korintinkoolu 15:25

Kaatu a ñanta maraloo ke la le fo a ye a jawoolu bee ke a siŋo koto.

Jabuuroolu 92:11

N ñaa ye n jawoolu la boyoo je le, ŋa wo konnantee jawoolu woosiikaŋo moyi le.

Jabuuroolu 35:28

Wo to le m be i la tiliŋo kankulaa la, ka i jayi luŋ-wo-luŋ.

Efesusinkoolu 4:29

Kuma jawoo kana bo ali daa kono. Wo noo to, ali la kumoolu si beteyaa ka moolu yiriwandi, ka ì maakoyi ì la suuloolu kono, aniŋ ka ì seewondi.

Matiyu 12:35

Moo betoo ka kuu betoolu le fintindi ka bo a sondomoo kono, meŋ be faariŋ beteyaa la. Aduŋ moo jawoo ka kuu jawoolu le fintindi ka bo a sondomoo kono, meŋ be faariŋ jawuyaa la.

Jabuuroolu 71:15

M be kali kuu kendoolu seyinkaŋ na le, i ye mennu ke tiloo muumewo bee, ka a fo i ye i la moolu kiisa ñaameŋ, wo kuwolu yaatewo tambita n na londoo la ñaa-wo-ñaa.

Jabuuroolu 71:8

N daa ka tu i jayoo le kaŋ, aniŋ ka i horoma waati-wo-waati.

Jabuuroolu 37:30

Moo tilindiŋo daakumoo mu ñaameŋo le ti, aduŋ a ka meŋ fo a neŋo la, wo mu tiliŋo doroŋ ne ti.

5 Musa 11:19

Ali si ali diŋolu karandi ì la. Ali ye ì ke kacaaraŋo ti, niŋ ali be suwolu kono waraŋ banta. Ali si ì karandi ì la, niŋ ali wulita laaraŋo kaŋ, aniŋ niŋ ali be taa i laa la.

Jabuuroolu 70:3

Mennu ka n ñaawali, Allamaa ì ye malu fo a ye tambi ì kunna.