Jabuuroolu 71:19 - Mandinka Bible

¹⁹ Kooni Alla, i la tiliŋo nakita saŋ fatoolu la le. I ye kaawakuu baalu le ke. Doo koteŋ te jee komeŋ ite Alla.

Jabuuroolu 71:19 ပူးပေါင်းရင်းမြစ်များ

Jabuuroolu 35:10

N suufoolu faŋo si a fo ko, “Hee Yaawe, jumaa le ka munta ko ite? Ite le ka sembentaŋo tanka sembemaa ma, ka fentaŋolu niŋ moo koririŋolu bondi moolu bulu mennu ka ì mantoora.”

Jabuuroolu 57:10

kaatu i la kanu bambaloo la waroo nakita saŋ fatoolu la le, i la tiliŋo la waroo futata minaayoolu ma le.

Yesaya 55:9

Ko saŋ fatoo be jamfariŋ bankoo la ñaameŋ, n taañaalu be jamfariŋ ali taañaalu la wo le ñaama, n na miiroolu niŋ ali la miiroolu fanaa fatata wo le ñaama.

Luka 1:49

kaatu Alla Tallaa ye kuu baalu le ke n ye. A too seneyaata le.

Yeremiya 10:7

Jumaa le te sila la ite la, ite, bankoolu la Mansoo? Ñiŋ ne ñanta ite to. Bankoolu moo ñaamendiŋolu bee kono, ì la mansamarali bankoolu bee kono, kiliŋ te jee meŋ be ko ite.

Yesaya 40:25

Senuŋ Baa ko, “Ali be n niŋ jumaa le laa la? Waraŋ ali be n niŋ jumaa le kaañandi la?”

Yesaya 40:18

Wo to saayiŋ, ali be jumaa le niŋ Alla tembendi la? Ali be a niŋ muŋ ne misaali la?

Jabuuroolu 86:8

Kooni Maariyo, ñoŋ te ite la, alla te jee meŋ be ko ite. I ye kuwolu mennu ke, kiliŋ te jee meŋ ye wolu ke.

Jabuuroolu 72:18

Tentoo be Yaawe* ye, Banisirayila la Alla, ate doroŋ ne ka kaawakuwolu ke.

Yuuba 5:9

Ate le mu kaawakuu baalu kelaa ti, mennu buka tara loŋo daa to, aniŋ jaakali kuwolu mennu buka yaatee noo.

2 Musa 15:11

“Hee Yaawe! Jumaa le be alloolu kono, mennu niŋ ite mulunta? Jumaa le mulunta ko ite, i la mansayaa senuŋo, i la sembe waroo, i la kaawakuwolu?

Yesaya 5:16

Bari Yaawe Alihawaa Maariyo la kiitiyo ye a la mansabaayaa yitandi le, Mansa Senuŋo la tiliŋo ye a la seneyaa yitandi.

Kuma Kotoomaalu 15:24

Siloo meŋ si moo balundi noo, le ka moo ñaamendiŋo samba ñaato, a buka taa niŋ sila la, meŋ si moo samba saayaa kaŋ.

Jabuuroolu 139:6

I ye loŋo meŋ ke n na, a kaawakuuyaata m fee le, a tambita n kunna le, n na fahaamuroo maŋ futa a ma.

Kuma Kotoomaalu 24:7

Ñaameŋo la kuwo warabaata toolewo ye le, saatee beŋo to, a buka feŋ soto, a be meŋ fo la.

5 Musa 3:24

“Hee Yaawe n na Alla, ŋa a loŋ ne ko, i ye i la semboo niŋ waroo domandiŋ doroŋ ne dati ka a yitandi n na, i la dookuulaa. Alla koteŋ te saŋo niŋ bankoo teema meŋ si kaawakuwolu ke ko ite ye a ke ñaameŋ!

Jabuuroolu 36:7

I la kanu bambaloo tinewo warata le. Hadamadiŋolu ka tankoo ñini ite le dampaŋo koto, moo baa, moondiŋ.