Jabuuroolu 7:16 - Mandinka Bible

¹⁶ A la feere kuruŋolu ka naa donko a faŋo kuŋo le kaŋ. A ka fitinoo meŋ kurukuru, a be denkuŋ na a faŋo le kaŋ.

Jabuuroolu 7:16 ပူးပေါင်းရင်းမြစ်များ

Esita 9:25

Bari kabiriŋ mansa ye ñiŋ feeroo kalamuta, a ye yaamari safeeriŋo le dii meŋ ye a tinna Hamani bulata a faŋo la mantooroo kono, aduŋ ì ye a niŋ a dinkewolu bee le deŋ moo dendulaa bala.

1 Mansoolu 2:32

Yaawe be a la yele boŋ kebaaroolu murundi la a faŋo kuŋo kaŋ ne, kaatu a boyita kee fula le kaŋ, mennu tilinta, aniŋ ì beteyaata ate ti, ka ì faa hawusaroo* la, aduŋ m faamaa Dawuda maŋ a kalamuta nuŋ. Wo kewolu le mu Neri dinkewo Abuna ti, Banisirayila la kelediŋolu la kuntiyo, aniŋ Yeteri dinkewo Amasa, Yahuuda kelediŋolu la kuntiyo.

Jabuuroolu 36:12

A fele, moo jawoolu boyita le, ì busandita duuma, ì maŋ wuli noo.

1 Samuweli 28:19

Yaawe be ite niŋ Banisirayilankoolu bee duŋ na Filisitinkoolu bulu le, aduŋ saama ite niŋ i dinkewolu niŋ m be tara la dulaa kiliŋ ne. Yaawe be Banisirayilankoolu la kelediŋ kafoo fanaa duŋ na Filisitinkoolu bulu le.”

1 Samuweli 26:10

A ko, “A be koyiriŋ ñaameŋ ko Yaawe be baluuriŋ ne, Yaawe faŋo le be a faa la. A la waatoo le be sii la, a ye faa, waraŋ a ye taa keloo la, a ye kasaara jee.

1 Samuweli 23:9

Kabiriŋ Dawuda ye a moyi ko, Sawulu ye feeroo le siti, ka taa a boyinkaŋ, a ko piriisoo* Abiyata ye ko, “Efodoo samba naŋ jaŋ.”

Jabuuroolu 36:4

A ka kuruŋyaa feeroolu le siti hani niŋ a be laariŋ laaraŋo kaŋ. Kuu jawu kewo le mu a la muraadoo ti. A maŋ i baŋ kuu jawu to.

1 Mansoolu 21:19

I si a fo a ye, Yaawe ye ñiŋ ne fo ko, ate ye moo faa le, aduŋ a muruta, a ye a la feŋo taa. Bituŋ i si naa a fo a ye fanaa Yaawe ye ñiŋ ne fo ko, wuloolu ye Naboti yeloo newuŋ daameŋ to, wuloolu be a fanaa yeloo newuŋ na jee le, ate faŋo!”

Esita 7:10

Bituŋ ì ye Hamani deŋ moo dendulaa bala a faŋo ye meŋ parendi Moridekayi ye. Bituŋ mansa la kamfaa bota.

Yuuba 4:8

Nte ye kuwo je wo le ñaama: Moolu mennu ye kuu jawoo kunkoo sene, ì ye kataa fii jee, niŋ sanjaanoo siita, ì be wo kiliŋo le kati la jee.

Jabuuroolu 9:16

Yaawe ye a yitandi ì la le ate mu meŋ ti, kaatu a ye kiitindiroo ke niŋ tiliŋo le la. Moo kuruŋolu bulata ì faŋolu la feere kuruŋolu le kono. H S

Jabuuroolu 35:8

Allamaa kasaaroo ye boyi ì kaŋ moonewo kono, ì ye jaloo meŋ laa n kamma, a ye ì faŋolu muta, ì ye bula dinkoo kono ka kasaara.

Jabuuroolu 57:7

Hee Alla, n sondomoo ye i la kuwo muta le, a bambanta. M be suukuwo laa la le ka i jayi.

Jabuuroolu 141:10

Allamaa moo kuruŋolu ye boyi ì faŋolu la jaloolu kono, bari nte si tambi kuuke tankoo kono.

Kuma Kotoomaalu 1:19

Ñiŋ ne ka ke moo saayaañaa ti, meŋ ka a la naafuloo soto tapaleeyaa kono. Wo suuñaari feŋolu, wolu le ka ke ì la saatoo ti.

Kuma Kotoomaalu 26:27

Niŋ moo ye dinkoo siŋ a mooñoo kamma, a faŋo le be bula la a kono. Niŋ moo ye beroo birimintiŋ, a be muruŋ na a faŋo le kaŋ.

Kawandilaa 10:8

Moo-wo-moo ye dinkoo siŋ, i faŋo le be boyi la a kono, aduŋ moo-wo-moo ye sansaŋo boyi, saa si i kiŋ noo le.