Jabuuroolu 7:15 - Mandinka Bible

¹⁵ A ka jamfaa dinkoo le siŋ moo koteŋolu kamma, bituŋ a faŋo ye naa boyi wo dinkoo kono.

Jabuuroolu 7:15 ပူးပေါင်းရင်းမြစ်များ

Yuuba 4:8

Nte ye kuwo je wo le ñaama: Moolu mennu ye kuu jawoo kunkoo sene, ì ye kataa fii jee, niŋ sanjaanoo siita, ì be wo kiliŋo le kati la jee.

Jabuuroolu 141:10

Allamaa moo kuruŋolu ye boyi ì faŋolu la jaloolu kono, bari nte si tambi kuuke tankoo kono.

Kuma Kotoomaalu 26:27

Niŋ moo ye dinkoo siŋ a mooñoo kamma, a faŋo le be bula la a kono. Niŋ moo ye beroo birimintiŋ, a be muruŋ na a faŋo le kaŋ.

Jabuuroolu 10:2

Moo kuruŋo ka a faŋ wara le, ka fentaŋolu toorandi. A ye feere jawoolu mennu dadaa, ì si a faŋo muta.

Jabuuroolu 57:6

N jawoolu ye jaloo le laa n ñaato, n niyo dewunta n kono le. Ì ye dinkoo le siŋ n na siloo kaŋ, bari ì faŋolu le boyita a kono. S

Esita 7:10

Bituŋ ì ye Hamani deŋ moo dendulaa bala a faŋo ye meŋ parendi Moridekayi ye. Bituŋ mansa la kamfaa bota.

Kuma Kotoomaalu 5:22

Moo kuruŋo la kuu jawu kewolu le ka ke a ye kutindiŋo ti, a faŋo la junuboo le ka bataa kuwo saabu a ye.

Yeremiya 18:20

Fo jawuyaa le mu ñiiñaa joo ti baŋ? Bari itolu ye wo le ke, ka dinkoo siŋ n kamma ka n niyo taa. I hakiloo be a kaŋ ne nte loota i ñaatiliŋo la ñaameŋ ka kuu kendoo fo ì la kuwo to, ñiŋ kamma la fo i si bo kamfaariŋ ì kamma.

Jabuuroolu 119:85

Faŋ wara moolu ye jamfaa dinkoo le siŋ n kamma, moolu mennu buka taama i la yaamaroo la.

Jabuuroolu 94:13

Ite le ka dahaa dii a la ka a la mantoora kuwolu daŋ, fo tuma meŋ na i be moo kuruŋolu kaburu luŋo sindi la.

Yuuba 6:27

Alitolu be alikuuroo* le faŋo ke la aliyatiimoolu la. Ali ye ñoo fuufuu ali teeriñolu la.

Yuuba 15:35

Ì ka tara konomaariŋ feere kuruŋolu le la, ì ye taa maasiiba jawoo wuluu. Jamfaa kuwo doroŋ ne ka naa finti ì la karoo la.

Yesaya 33:11

Bankoolu, ali la feeroo ka munta le ko fuufulewo, aduŋ a koolaa be naa ke la ñaama jaara kenseŋ ne ti. Ali niijii foñoo be ke la dimbaa le ti, meŋ be ali faŋolu jani la, fo ali ye keremu.

Yesaya 59:4

Moo buka kiitiyo kuntu a ñaama, waraŋ ka a la kuwo samba luwaa ñaatiliŋo la niŋ siloo la. Ì ka laa diyaamu kenseŋo le la, aniŋ faniyaa foo. Fitina kuwo le ka tara ì kono, a ye naa kuu kuruŋo wuluu.

Daniyeli 6:25

Bituŋ Mansa Dariyusi ye safeeroo ke, a ye a kii duniyaa banku-wo-banku kaŋ, sii-wo-sii, aniŋ moolu bee. A ko: “M be kayira baa duwaa la ali ye.