Jabuuroolu 7:13 - Mandinka Bible

¹³ A ye a la moofaa jooraŋolu parendi le, ka paree bundiroo ke la a la kalabeñe dimbaamaalu la.

Jabuuroolu 7:13 ပူးပေါင်းရင်းမြစ်များ

2 Tesalonikankoolu 1:6

Baawo a koyita le ko, Alla tilinta le, aduŋ moolu mennu ka ali batandi, a be wolu joo la niŋ bataa kuwolu le la.

Habakuki 3:13

I naata le ka i la moolu kanandi, ka i la moo tombondiŋo tanka. I ye moo kuruŋolu ñaatonkoo kasaara le, ka a bulu kenseŋyandi. S

Jabuuroolu 64:7

Bari Alla be ì buŋ na a la kalabeñoo la le, ì ye barama tarinke.

Jabuuroolu 45:5

I la kalabeñoolu melunta le, ì ka i jawoolu soo ì jusoolu le to. Banku koteŋ moolu ka boyi i siŋo koto le.

Jabuuroolu 18:14

A ye beñoolu fayi, jawoolu janjanta. Ŋalasi baa kuntuta ì ñaato, a ye ì borindi.

Lankenemoo 16:6

Moolu mennu ye i la moo senuŋolu yeloo boŋ, a niŋ annabiyomoolu yeloo, ite naata ì mindi niŋ yeloo le la. Ì jarita kuluuroo meŋ na, ì naata a soto le.”

Lankenemoo 6:10

Ì sarita niŋ sari baa la ko: “M̀ Maarii Mansa Tallaa! Ite meŋ jankuta, ite meŋ mu tooñaa ti, fo i la kiitiyo be mee la le hani saayiŋ? Waati jumaa le i be moolu joo la, mennu ye ntolu faa?”

Habakuki 3:11

Karoo niŋ tiloo tuta ì noo kiliŋo le to, biriŋ i la kalabeñoolu tambitoo be malamala kaŋ, i la hawusaroo* be ŋalasi kaŋ ko saŋ ŋalasoo.

Jabuuroolu 144:6

I la saŋ ŋalasoo ŋalasindi, i ye i jawoolu janjandi. I la kalabeñoolu fayi, i ye ì kidindi.

Jabuuroolu 64:3

Ì ka ì neŋolu diyaa le ko hawusaroo*, ì ka kuma jawoolu fayi ko kalabeñoo.

Jabuuroolu 11:2

Kaatu a fele, moo kuruŋolu ye ì la kalandiŋolu ŋaaji le ka juloo ke ì la. Ì ye ì la kalabeñoolu ke kalandiŋ juloo daa, ka moo betoolu buŋ diboo kono.

Yuuba 6:4

Alla Tallaa ye m buŋ a la kalabeñoolu le la. Ì kunoo dunta n jaatoo kono. Alla ye silaŋ kuwolu le randi n kamma.

5 Musa 32:42

N na kalabeñoolu be suuri la ì balajaatoo kono le, n na hawusaroo* ye i miŋ ì yeloo la, moo baramariŋolu niŋ mutamoolu yeloo, aniŋ jawu kuntiña jaŋolu.

5 Musa 32:23

“M be maasiiboo le kupi la ali kaŋ, m be ali buŋ na n na kalabeñoo bee le la:

5 Musa 32:41

M be n na hawusaroo daa diyaa la le, fo a ye malamala, ŋa sii n na kiitiisiiraŋo kaŋ. M be n joo la n jawoolu to le, ŋa moolu jarabi, mennu ye n koŋ.

Niikuyaa Suukuwolu 2:4

Dimmusuriŋ Siyoni ko, “Yerusalaamu kono jaŋ, a ye ǹ ñaabo moolu bee le faa. A ye a la kaloo ŋaaji ǹ kamma le ko jawoo, a ye a bulubaa buloo teeka ko ǹ konnantewo. A ye a la kamfaa jindi naŋ ne, a malata ko dimbaa.”